Números 11:8 - Sharanahua: Diospan Tsain

⁸ Israelifoan shafatifi manán maicamaquinoa topishon tiimacaquin. Nan manán roroshon pichafain misi sapa cuscarafo huanifo. Nan shuniya misi huamua mutsa shara huanifo.

Números 11:8 Iomraidhean Croise

Génesis 25:29

Ascano shafa futsa Jacob tushu pichaino Esaú niitani nocotoshini fonicoin.

Éxodo 16:23

Ascaiton Moisés ato cumani, —Nocon Ifo Diosin yonoafin funamari sabadoaino tsoan yonotiromaquin. Funamaricai non ahuara futsa huaima. Nonfin nocon Ifo Dioshuunoa fusti shinaincai. Non shafatifi yonomisi cuscacai non huayoima. Funamarifin non tunutiroquin. Ascano na shafata non pipaiyai cusca tsoi yamaraquin iquisi non pichatiro. Ascano ahuara tushuaiton mucucahuun funamari pishcaquin, —ishon Moisés ato yoini.

Éxodo 16:31

Ascano Israelifoan chipo nan tushu Diosin ato nai muranshon niriashoan fimisifo anunifo manán huanifo. Nan manán fana cilantro ahuun ushu ointsa. Nan misi fata fonaya osia mutsa ini.

Números 11:7

Nan manánfin cilantro ahuun ushu ointsa chashnaquin.

Números 11:9

Nan yamutifi nifi pacuaino nantiari Israelifo icano Diosin manán ato nai muranshon niriashopaoni pinonfo.

Juan 6:27

Shinancapon. Manfin tushuhuunoasi shinanfafainicain. Nan tushu chacanatiro manmain cuyoifin. Ascan nan cuscara tushu fusti fuchipaiquimarocon nan cuscara futsafin unquin. Unfin Diospan Facuquin, un mato inantiro nancai fuchipaicahuun. Nan cuscara cuyopacunacama. Nan piashu man nipasharatiro. Uhuun Upa Diosin ua catoanshu uqui unimamisi. Matoquirifi ua nichini na tushu cuscara un mato inanon, —ishon ato yoiaiton.