Números 11:20 - Sharanahua: Diospan Tsain

²⁰ Nocon Ifo Diosin mato cushufiano man ahuunoa shinanchacamisi. Ascashu ahuun ointaifi man uaica. Uaiyanan man yoia, ‘¿Ahuuscaimun non Egipcio mai anoashu nuno oaquin?’ ishon man yoia. Natian man oshu fusti nan shafatifi man nami pii nan man namihuun shucasmanaitian. Ahuun inoncai man afanan nan nami oinpaishquimaran,” —ishon nocon Ifo Diosin Moisés yoini.

Números 11:20 Iomraidhean Croise

2 Samuel 12:10

Ascan min Urías nan Hitita ahuun ahuin min fian min ahuin inon. Ascacun nan min chaca huahuunshon min yorafoan shinantiro uhuun tsaincai atona ahuama. Nanscacun min yorafo afi ranan rutunanpacunacafo.

Éxodo 16:13

Ascano nan yatapacuri Diosin Israelifo icano coma ichapa rasi fumai nanno pacui futsunonfo. Ascano iyoconaino Israelifo icano nifimanhuanun mai muchana huai.

Éxodo 16:3

Ascashon Israelifoan yoinifo isca huaquin, —Non Egipcio mai anoashu oyamashara icuana. Nannoshon non pisharamisi. Ascafia nuno man noco ihuua non nunoashu fonin nanon. Diosin noco Egipcio anoshon nama shara icuanaran, —ishon Israelifoan Moisésqui tsain chipunifo.

Éxodo 16:8

Icon man tsain chipuai cusca nocohuunoacai man tsain chipuama. Noncai ahuama. Nocon Ifohuunoafin man tsain chaca huamisiquin. Man tsain chaca yoimisi cuscafin nantifi Diosi man nicamisiquin. Ascacun na yatapacu mato nami inain funamarifin mato misi niriashoin. Asca huaino man tapitiro nocon Ifo Diosin na tushu mato inanran, —ishon Moisés ahuun caifo yoini.

Números 11:13

¿Raquiamun un nami fuchitiroquin ato pimashquin? Uaiyanan ua yocafafaicani, “Noco nami pimahuu,” ishon ua yoifafaincani.

Números 11:19

Mancai shafa fusti nami pima. Natianfin man shafatifi nami pifafainnicain nan oshu fusti matoqui iquiai chain.

Números 11:21

Ascatan Moisés cumani, —Nunofin seis cientos mil nocofunufoquin. Ascafia min yoia nan oshu fusti shafatifi min ato nami pimai. ¿Ahuuscaimun non ascaicai?

Números 14:3

¿Ahuuscaimun nocon Ifo Diosin na mai ano noco ihuuaquin noco ashin rutushon? Nocon ahuinfo non nocon facufori achishcaquin aton yonomati inonfo. Non nunoashu fononfocahuun non afanan Egipcio mai ano nasononcahuun, —icashu Israelifo yoinannifo.

Números 14:4

Ascashon nan shinainfo cusca afi ranan yoinonannifo, —Non niaifo futsa catononcahuun noco afanan Egipcio mai ano iyoicanon, —icashu yoinannifo.

Números 16:13

Minfin nan mai shara ano non ahuara yopatiroma anoshon min noco ihuuaquin tsoa istaipamanoashu non naanon. Ascacun natian min yonomatifo min noco imapai.

Números 20:4

Nonfin Ifo Diosin yorafoquin. ¿Ahuuscai min nuno tsoa istaipama ano ihuuamun noco inafoya non naanon?

Hechos 13:41

“Nicacapon. Man niyoaichain un ahuara sharacoin mato ashoicain. Ahuara un mato ashoai cuscan futsan mato yoiaiton mancai icoinra huaima. Man yoishquin, ‘¡Cuu! ¿Tsoan na tsain icoinra huatiromun? Nonmaquian,’ ishon man yoishquin. ‘Ascan nanonquin,’ ” —ishon Diospan tsain cununi.

1 Tesalonicenses 4:8

Ascacufin tsoan un mato yosimisi cuscan nicayamai atocai nocofunu fustisi nicacasmaima. Dioscoinrifi nicacasmamisi. Nanton ahuun Yoshin Shara mato inan mato amapaiyai cuscan man tapinon.

Josué 24:27

Ascatan Josué Israelifo yoini isca huaquin, —¡Oincapon! Man nocon Ifo Diosi ahuun ointaifin yoia cuscan nan toquiri oin cafiscaquin man nanfohuunoa shinantiro. Man na shafata nocon Ifo Diosi yoia cusca man huayamaiton na toquiri man oin cafiscaquin man shinantiro nocon Ifo Diosin mato yonoa cuscan man huamaran, —ishon Josué Israelifo yoini.

1 Samuel 10:19

Diosin fasi mato shara huamisi man omitsiscaino nan man ahuara chaca futsa finoainton nanscarafohuunoa Diosin mato numani. Diosin mato sharahuapaifiaiton man potapaifain niaifo futsa man catonpai. Ascashon man yoiquin isca huai, “Natian non niaifo futsa funanon noco nanton yononon,” ishon man yoia. Natian nocon Ifo Diosi ahuun ointaifi ichanancahuun. Nan manifoti uqui fucahuun, —ishon Samuel ato yoini.

1 Samuel 2:30

“Un yoiyoni cuscan min non min yorafo non min shunifori man Israelifohuunoa ua cufinshomisifo cuscacai unupacunacama. Ascafia man fasi chaca huahuunshoncai man afanan mato caifo Israelifo ua cufinshomisi itiroma. Un natian shinan futsa. Tsoan futsafo uhuunoa shinanmasharacun urifin atohuunoa futsafoan ointaifi un yoi sharashquin. Ascan tsoan uhuunoa futsafo shinanmasharayamaiton urificai atohuunoa un shinansharatiroma.