Números 11:16 - Sharanahua: Diospan Tsain

¹⁶ Nannori huaiton nicaquin nocon Ifoan cumani isca huaquin, —Min caifofo nan atohuunoa shinansharamisifo setenta niaifo patasharinoafo catonhuun. Nanfo uqui ihuuhuun. Nan pano pushu ichananti ano min ato ihuuano nanno mi fu ninonfo.

Números 11:16 Iomraidhean Croise

Génesis 46:27

José ahuun facu rafu Egipto anoashu cainnifo. Ascano sesenta ahuun yorafo Jacob ahuun mai anoashu a fu Egipto ano fonifo.

Éxodo 18:25

Ascatan nan ahuun mai anoa Israeli nocofunun mapo sharayafo yafi nan isharamisifo Moisés catonni ato yorafo ato tapimamisi inonfo. Futsafo mil yorafo aton tapimamisi icaino futsafo cien yorafo aton tapimamisi icaino futsafo cincuenta yorafo aton tapimamisi icain futsafo mucu rafuti Israelifo ato tapimamisi Moisés ato catonni nan Diosin ato yoipaiyai cusca ato tapimanonfo.

Éxodo 4:29

Ascano nantian nan rafutan aton caifo Israelifo aton niaifofo ichanan huashon ato yoinifo.

Números 11:24

Moisés nannori nicatan ahuun yorafo ichanan huani nocon Ifo Diosin yoia cusca atorifin nannori tapimashquin. Ato yoiquin unutan nan setenta niaifo patasharinoafo ichanan huani. —Nuno ichananti pano pushu tarati huayacucahuun. Ascashu nanno niyocahuun, —ishon Moisés ato yononi.

Números 16:25

Ascaino Moisés funinacahuatan Datán non Abiram aton pano pushu ano atoqui ichoni. Israeli niaifo patasharinoafoanri mufainnifo.

Lucas 10:1

Ascatan Jesús setenta y dos nocofunufo catonni. Ascashon rafurasi ato nichipacuni. Nan pushurasi patasharifo ato rufofo nichini nanno chipo arifi atoqui caashquin.

Lucas 10:17

Ascano chipo nan setenta y dos ahuun tanamisifo afanan aqui naso furacani fasi unimacoincani fucashon yoinifo isca huaquin, —Ifon, yoshin chacafoanfin min anuhuunshon noco nicacointirofoquin. Ascacun yorafomaquinoa non mihuunshon potaran, —huaifoan.

Deuteronomio 1:15

Ascan man catonni cusca un manifoti nocofunu sharafo nan mapo sharayafo non atohuunoa shinansharamisifo un ato yononi maton niaifofo inonfo mato iquinonfo. Futsafoan mil yora iquinainno futsafoan cien yora iquinainno futsafoan cincuenta yora iquinainno futsafoan mucu rafuti yora iquintiro aton niaifo iishquin.