Números 11:11 - Sharanahua: Diospan Tsain

¹¹ Ascashon Moisés nocon Ifo Dios yoini isca huaquin, —Ifon, unfin min yonomatiquin. ¿Ascacun ahuuscaimun mian isca huaicai? Un ahuara chaca huamainquin mian catoan na yora shinanchacamisifoan ato niaifo un inon.

Números 11:11 Iomraidhean Croise

Salmos 130:3

Uhuun Ifon, non mia chaca hua cuscan min nantifi nocoqui cunuano non funo cuana. Mincai noco nica cuanama.

Éxodo 17:4

Sinaifoan oinquin Moisés nocon Ifo Diosi fasi cufini. Yoiquin isca huani, —¿Ifon, natianmun un ahuuscatiroquin? Uhuun caifo man uqui itisharafo ua toquirinin tsacaquin rutushcaquin, —ishon nannori Moisés nocon Ifo Diosi cufini.

Éxodo 5:22

Moisés nan nicatan nocon Ifo Diosi cufinquin isca huani, —¡Ai timafin, Ifon! ¿Ahuuscaqui min uhuun caifo omitsiscamaimun? ¿Min ato omitsiscamafiashquin ahuuscaimun mian atoqui nichiaquin?

Números 11:10

Nantian Israelifo pushuti icafoannoashu uaicaifoan Moisés nicani. Nocon Ifo Diosin arifi nicain fasi sinacoin. Ascano Moisés arifi ahuun nomuran fucashcoin muuni.

Números 11:15

Uhuun Ifon, min ua nanscara huapaiquin natian ua namahuun. Min ua noicoianmainquin ua namahuun un afanan na yorafohuunoashu omitsiscanonma, —ishon Moisés nocon Ifo Diosi yoini.

2 Corintios 11:28

Ascatarifi nantifi Jesús icoinra huafo ichananti pushu anoshon ahuara ato fucashni huai cuscan urifi un atohuunshon uhuun ointi nocomisi. Shafatifi un ato shinanmisi.

Deuteronomio 1:12

¿Ascafiacai man fochishmanantanainno non nannorisi shinanyamaino ahuuscashomun urus fusti Diosin mato yoipaiyai cusca un yoitiroquin?