Mateo 4:21 - Sharanahua: Diospan Tsain

²¹ Ascashu chaimashta catan Zebedeo facu rafuri fuchini. Nan rafuri nanu rafu Santiago yafi Juan. Nan rafutan apa futan shasho naquishon nushuti icushaifoan atori yoini, —Ufu fucahuun, —ato huaino.

Mateo 4:21 Iomraidhean Croise

Mateo 10:2

Nonfin doce iniquin. Nocon anufo un mato yoi. Futsa Simonfiacun ahuun anu futsa Jesús tuqui huani Pedro. Nanton chipocu Andrés. Futsafoan aton anu Santiago non Juan. Nan rafu Zebedeopan facu. Futsafoan Felipe non Bartolomé un Mateo non Tomás non Santiago Alfeopan facu non Simón futsari nanton ahuun caifo futsafo futan Romanonfo potapai afanan Israelifo yonononfoma. Futsan ahuun anu Judas Santiago facu futsarifi Judas Iscariote nanton Jesús potashon ato achimani. Nocofosi Jesús noco catonni non ahuun rafumisi inon non ahuunshon tsain tapishquin.

Mateo 17:1

Ascano man seis osha finontan Jesús Pedro non Juan non Santiagori machi cuya pochininshon ato iyoni.

Mateo 26:37

Ascatan Pedro yafi Zebedeo ahuun facu rafu Santiago yafi Juan nan rafu non fusti ato iyoni. Nan fasi omitsiscai tauai cuscan shinain fasi ahuun nomuran isicoinni.

Mateo 4:20

Ascaino nushuti huafaicani afu fonifo.

Mateo 4:22

Samamashta apa shasho naqui nichifainifocani afu fonifo.

Marcos 3:17

Futsafo Zebedeo facu rafu Santiago yafi Juan. Aton anu tuqui huani Moanurquisi, onicoinnin tsainmanfin nocofunufo curushcoin nan turuica cuscara.

Marcos 5:37

Ascano Jesús yorahuanrasi nichitan, —Pedro non Juan non Santiago non atiri ufu fucahuun, —ato huani.

Juan 21:2

Pedron yafi Tomás nan ahuun anu futsan Gemelo non Natanael nan Canan murannoa Galilea anoa non Zebedeo facufo nonri afu rafumisi non ichananni.

Hechos 12:2

Ascashon Juanpan iyoa Santiagori achimani nopun tushtunon.