Mateo 28:2 - Sharanahua: Diospan Tsain

² Ascaino nantianri mai fasi curushcain nayanaiyaicaino nocon Ifo Diosin ahuun oinmati afu icafo nai ariashu fotoni. Fototan toquirininhuan fuputan acamaqui tsaoni.

Mateo 28:2 Iomraidhean Croise

Mateo 27:60

Racoshon toquirininhuan quini muran Jesús mai huani. A murancai tsoa maiyomisima muran mai huani. Ascashon toquirininhuanun fupofaini cani.

Mateo 27:66

Ascaiton a toquirininhuan quini ano ranushumuafo nichinifo. Nanfoan toquirininhuan sapa tocoro fuposhon ahuara tuipaton tanyacunifo. Ranushumuafo nanno nichifurani funifo nannoshon cushunonfo.

Juan 20:1

Ascano Domingoaino shafataimashta María Magdalena Jesús maia mahua quini ano cani. Caquin oian mahua quini ahuun fupoitan man fupucua ini. Nan toquirininhuan man fupucua ini.

Hechos 16:26

Ascatanaino fasicoin mai nayanaiyainacahuani. Ascaino a cunu ahuun quishifo tsucu tsucusini. Ascatanaino cunu fupotifo afincoin fupucui futsuni. Ascatapaiyaino cunopan ato munushafo afincoin oshoriquitan mushorimuni.

Hechos 5:19

Iquifiafoan yamu nacucahuanaino Diospan oinmati afu nai muran icaton atoqui nocoshon ato yoini, —Dios fu tsainti pushu anoshon ato yoitacahuun. Ahuuscashomain nocon Ifo Jesús ato nimapacutiroquin ato yoitacahuun, —ato huani. Yoitan ato cunu fupotifo fupushoni. Fupushonano cain furanifo.

1 Timoteo 3:16

Icon atirifitocai tsoan Diospan tsain tapiataima isharashcaquin. Ascafia Jesushuunoashu non isharatiro. Aafin Apa Dios icariashu mai ano fotoni nocon cuscara yoracoin iishquin. Ascatarifi Diosin Yoshin Sharapan ismapaoni Jesuscai ahua chaca huamisima icon fustisi imisi. Diospan oinmati afu nai muran icafoanri oinnifo. Ahuunoashu manifoti futsafoan yoiqui isca huamisifo, —Jesús Upa Diosin facu. Ascashon arus fusti maton chaca soashotiroran, —ishon yoifoanfafainmisifo. Yoiaifoan nicacanashu atirifi manifoti anoshon icoinra huacani. Ascashu Jesús naafiashu mai murannoashu funini. Chipo afanan Apa icano nuinacahuani arifi nantifiton aton niaifocoin iishquin.

1 Pedro 1:12

Diospan Yoshin Sharapan ato tapimani man inonpacoai yoini nanfoan niyocashon oinyotirofoma. Ascatamarocon afoan oinyamafiaino mancaifin oinshquiquin. Ascan nan tsain shara Jesushuunoa nantififain man non nicamisi. Upa Diosin icanoshon ahuun Yoshin Shara nichini ahuun curushhuunshon mato Jesushuunoa yoimisi. Nan man nicamisi cuscari Diospan oinmati afu nai muran icafoanri tapipaicoincani.

Apocalipsis 11:19

Ascaino Diosin icaria Dios fu tsainti pushu fupucuaiton un oian. Nan Upa Diosin Israelifo yononi cuscan cunuacua cashon muran nanuaiton un oiainno canan facaicain nai turuica curushcoin icain mai nayanaiyaicain unu matsi tocorofo nai murannoashu mai ano pacui.