Mateo 26:39 - Sharanahua: Diospan Tsain

³⁹ Ato asca huatan chaimashta caashu fuopacucahuan Apa Dios cufini, —Upa un omitsiscai cuscan mian numatiromainquin ua numahuu. Ascafiashon un apaiyai cuscan huaquima nan min apaiyai cuscan fusti ua huahuu, —huani.

Mateo 26:39 Iomraidhean Croise

Génesis 17:3

Nicain Abram fuopacucahuani.

Números 14:5

Nan nicacatan Moisés futan Aarón aton caifo Israelifo nanno ichanainno aton ointaifin fuopacucahuani nantifishon ointaifin.

Números 16:22

Nannori nicacatan Moisés fu Aarón fuopacucahuan nocon Ifo Diosi cufinnifo isca huaquin, —Nocon Diosin, min nantifi yora niimamisi. Mia maisicai tsoa nipatiroma. ¿Ascafia nan nocofunu fustiton chaca huafiamun min nantifiqui sinaicai? —ishon nannori fasi curushcai cufinnifo.

Mateo 20:22

—Man ua yocai cuscacai man tapiama. ¿Un omitsiscashquiain cuscan man ufu omitsiscatiromun? —ishon Jesús ato yocaiton. Cumanifo, —Ai. Non mifu itiroran, —huaifoan.

Mateo 26:42

Ato asca huatan afanan apa Dios cuficaicani. Cashon apa yoini, —Upa, min ahuara futsa yorafo numashqui atiromamainquin nan min apaiyai cuscan huahuu. Unfi man itisharaqui atohuunoashu omitsiscacaini naashqui, —ishon Jesús apa cufini.

Lucas 17:16

Ascatan Jesús naman fuopacucahuan, —¡Aicho! Jesús, min ua cayahua. Min fasi sharacoinran, —ishon yoini. Naanfin Samaritanon iniquin.

Juan 11:41

Ascaiton nicacaquin fupunshonifo. Fupushonafoanno nai foisinifoantan, —Upan, un mia cufia cuscan mian nicai. Un mia aicho huai.

Juan 14:31

Un Upa Diosin fasi noicoin ascacun nan ua yoia cuscan un acoinmisi. Ascaiton nantififain tapicani un fasi ahuun noiaiton. Funicahuun. Nunoashu non canon, —ishon Jesús noco yoini.

Juan 18:11

Ascaiton, —Min nopu ahuun ona muran huahuu. Upa Diosin ua amapaiyai cuscan un aicai, —Jesús Pedro huani.

Juan 5:19

Nan shinainfo cuscan Jesús onanniquin. Onanshon ato yoini isca huaquin, —Un mato icon yoinon. Ua nicacahuun. Uficai un ahuashta huaima. Uhuun Upa Diosin acai cuscan mun oinmisi. Nanscacoin urifi un huai. Ahuunshon fusti un aquin.

Juan 5:30

Urus fusticai un apaiyai cuscan un shinainma. Upa Diosin nanton ua nichini. Ascan afi ua amapaiyai cuscan un huapai. Ascafiacai ucai urus fusti un ahuara huatiroma. Upan Diosin ua tapimana cuscan un nicaquin un yorafo yoitiro. Nantifi onancoianquin. Ascan ua tapimana cuscan un cayacaficoin yorafoti yoitiro ahuu cuscarafomainquin. Urus fusticai un apaiyai cuscan un shinainma. Uhuun Upa Diosin ua nichini afi amapaiyai cuscan ua huamashquin.

Juan 6:38

Uhuun Upa Diosin ua isca huaniquin, “Tsoan un mia ya imapaiyai mifu ishqui funopacunacama. Nan mia icoinra huafo namisifo min afanan nai ariashu mai ano fotoaino funishcani no fu ipashquin. Nanscara un fuchipairan,” ishon Upan Diosin ua yoini. Ascan uficai un apaiyai cuscan un huaima. Un mai ano fotoni Upa Diosin ua amapaiyai cuscan huashquin.

Hechos 10:25

Pedro pushu muran iquiano Cornelion fuopacucahuatan, —Min fasi shararan —ishon yoini.

Filipenses 2:8

Ascano nocofunucoin cainfianishaquin nancaifin fasi omitsiscai finacoiniquin. Nanscaiton Apa yoini isca huaquin, —Nantifi yorafohuunoashu min ato nashoshquiran, —ishon Apa yoini. Ascashon Apa nicacoianshu ihui coyan iquinanhuunoashu noco nashoni. Ahuashta chaca huayamafiamisishaquin nai nan chaca huamisi ointsacai omitsiscacaini naani.

Hebreos 5:7

Jesús mai ano iyoashu omitsiscapaoni. Ascashu nocohuunoashu naitian oi ashcafinin uaiyanan Apa Dios cufinquin isca huani, —Upashtan, mian numapaiquin mian numatiro un nanonma. Ascafia un apaiyai cuscan huaima nan mian amapaiyai cuscan fusti ua huahuun, —ishon Apa Dios yoini. Ascashon nan Apa amapaiyai cuscan fustisi shinanquin cufiai cuscan nicacoinni.

Apocalipsis 19:10

Ua yoiaino un anaman fuopacua, —Min sharacoinran, —ishon yoishquin. Ascafiashon ua yoia, —Asca huayamahuu. Ua anori yoiyamahuu. Unrifi nan mi futan Jesús icoinra huafo cuscarari. Jesús mato yoia cuscan man cachiquiri huamisima. Un matofu ahuun oinmatiri. Nan fusti non fuoshopacutiro yoishquin, “Min fasi shara. Min uhuun Iforan,” ishon min nan fusti yoitiro. Diospan tsain yoimisifoan yoiafo cuscan unrifi un mia yoia nanscasi huaquin non Jesushuunoa non yoinon, —ua huaa.