Mateo 26:3 - Sharanahua: Diospan Tsain

³ Ascan nantianri nocon yorafohuunshon Dios cufimisi niaifofo futan Moisés cununi cuscan tapimamisifo non Dios fu tsainti pushu cushumisifo Caifás pushu ano ichanancani. Nan Caifás nocon yorafohuunshon Dios cufimisi niaifocoin ini.

Mateo 26:3 Iomraidhean Croise

Mateo 26:69

Ascaino Pedro pushu umainti caashu tsaoni. Ascano nocohuunshon Dios cufimisi niaifoan ahuun oinmati shomayaton Pedro fuchishon yoini, —Jesús Nazaret anoa fu mirifi min afu oaquin, —huaiton.

Mateo 27:27

Nan ranushumuafoan Jesús iyoafo anofin niaifoan ahuun pushu iniquin. Ascano nan niaifo cushumisifoan ranushumuafo chifinoafo cunani Jesús oin funonfo.

Marcos 14:54

Ascaino Pedro ato cachiori chaima cani. Nocon yorafohuunshon Dios cufimisi niaifocoin ahuun pushu unmainti ranushumuafo yooaino Pedrori atofu yooni.

Marcos 14:66

Ascainofin Pedron nocon yorafohuunshon Dios cufimisi niaifocoinin pushu umaiti ano atofu yooaiton niaifoan ahuun oinmati shomayaton Pedro fuchiniquin.

Marcos 15:16

Ranushumua Romanonfoanfin Jesús iyonifoquin. Niaifoan ahuun pushu chaimashta. Nannofin ranushumuafoan aton pushurasi iniquin. Nanno iyonifo. Ascashon niaifo cushumisifo ranushumuafoan ato chifi cunanifo oin funonfo.

Lucas 22:55

Umainti chii cutuhuashu yooaifoanno Pedrori atofu yooni.

Lucas 3:2

Nantianri Anás yafi Caifás ahuun caifohuunshon Israelifo Dios cufimisi aton niaifo rafu ipaonifo. Ascaifono Juan tsoa istapamashon icamanoshon Diosin yononi. —Min caifo yoitahuun isca huaquin, “Maton chaca shatucahuun. Man chaca shinain cuscan afanan shinanyamacahuun. Diosin mato yoia cuscan nicacahuun. Man ascaiton Diosin mato chaca rau huashotiro. Ascacun un mato unu muran iquimapacutiro maton chaca shatushon man ismanon.” Anori ato yoitahuun, —ishon Diosin Juan yononi. Ascacun Diosin yoini cuscan Juanpan unu Jordán cusumunshon ato yoiriani.

Juan 11:57

Asca huacanashu nocon yorafohuunshon Dios cufimisi niaifofo yafi Fariseofoanri ato yononi isca huaquin, —Jesús fuchishon noco tapimacahuun non achinon cunu muran iquimashquin, —ishon ato yononi.

Juan 18:24

Anori icaiton nicaquin Anás ahuun raisi Caifás ano Jesús nichini. Caifás nocon niaifocoin ini. Ahuun munushumua ya nichini.

Juan 18:28

Ascano funamanrishta Caifás ahuun pushu anoshon Pilato niaifo ano Jesús iyonifo. Nanfin Romanon iniquin. Ascafiashcai Pilato ahuun pushu muran iquinifoma aatsi Israelicun. Shinanpaonifo, —Non a muran iquiashu non chaca itiroran, —icashu ascashu iquicasmanifo. Afocai Israelifomaran icashu. Diosin oinmati nan afu imisiton nocon shuninfoan facu iyoafofo ato finonmani nan fusitin icaitian shinantacani. Nanscacun Pilato ahuun pushu muran iquicasmanifo. A muran iquiashu non chacacoin itiroran fusi muaimuran non iquitiroma. —A muran iquishocai nocon caifo futan non chashoanun facu pitiromaran, —ishon shinannifo.