Mateo 20:2 - Sharanahua: Diospan Tsain

² Ascano ato fuchishon yoiqui isca huani, “Uhuun mau ano yonoi focahuun. Nan man shafa fusti yonoa cuscan un mato inain. ¿Ascan sharamun?” ato huaiton. “Ai. Sharafinquin,” huanifo. Ascashon ahuun mau ari ato nichini.

Mateo 20:2 Iomraidhean Croise

Mateo 18:28

Ascano niaifoan ahuun pushu murannoashu caqui afu oinmati futsa fuchini. Nantori nan ichapamashta nifian ini. Shafa fusti yonona nifian ini. Ascafiacun aqui nocoshon tumosfain achishon yoini. “Mian nifian cuscan ua inanriscahuu,” huaiton ratoconun mai chachishon yoini, “Funayamapun. Un mia inanon,” huani.

Mateo 20:1

Ascano ahuu cuscaramain Upa Diosin ahuun yorafo iquinai cuscaraquin afanan un mato tapimai isca huai. Mau ifoan funamanrishta nocofunufo funai cani ahuun mau uhuapa ano yonoi fononfo.

Mateo 20:13

Mau ifoan futsa cumaqui isca huani, “Uhuun yorashta. Uncai mia inanqui chaca huama. ¿Ascan manmun u futan shara huama man shafa fusti yonoaihuunoa? Man manfin ‘Shararan’ huaaquin.

Mateo 20:3

Ascatan man fari cuyainano mau ifoan caaquin oian plaza ano nocofunufo nia ini tsoa yonoima.

Mateo 20:9

Ascaino man fari nii manaon caano foafo. Nanfo ato inanni naan shafa fusti yonoa shinantsa huaquin.

Mateo 22:19

—Toro ua ismacahuun. Nan man ahuunshon niaifo inanmisi, —ato huaiton. Toro fushonifo.

Mateo 9:37

Ascashon non afu rafuafo noco yoini, —Yora ichapafoan uhuunoa nicayamafiano ichapamaton ua yonoshocani uhuunoa ato yoishcaquin nanfu nipashquin. Ascashon fasi Upa Dios cuficahuun ahuun yonoshomisifo catonquin uhuunoa ato yoinonforan, —ishon Jesús ato yoini.

Marcos 12:15

Ascashon Jesús onanni nan fuparamitsapaimisifo. —¿Ahuuscain ua amaquiri cumamapaicanimun? Uhuunoa ahuara chaca niaifofo man yoipaicain ua cunu muran iquimanonfo. Man toro inanmisi ahuunshon ahuara finon. Futsan ua fishoriscahuun un oinon, —huaiton.

Lucas 1:15

Ascano Upa Diosirifi aqui unimashquin. Nocofunu fasi sharacoin iishquin. Ascashocai ahuara pau ayapacunacama. Fimi unu pau ayayamafain ayati futsa pauri ayashquima. Caiyaintian Diosin Yoshin sharapan nan iquishquin.

Lucas 10:35

Ascatan iyoconaino ahuun rafanan toro paratamacoin ahuun pui nua rafu inanni. Ascashon pushu ifo yoiquin isca huani, “Na nocofunu ua cushusharashohuun. Afanan oshon un mia rafuri inanyoshquinon. Min cushusharaiton finonmafaintan afanan oshon un mia pui inanyoshquinon,” huani.

Lucas 20:24

—Ua mato toro fusti ismacahuun, —ato huaiton. Ismaifoan ato yocani, —¿Tsoa ointsa torohuun nuuamun? ¿Tsoan ahuun anuri nuuamun ua yoicahuun? —ishon ato yocaiton.

2 Timoteo 3:15

Nan facushtashon min Diosin tsain shara tapinifoanna. Nanfoan mia shinansharamatiro min Jesucristo icoinra huashu afu ipashquin.

Apocalipsis 6:6

Ascaino nantianri un oi nica nan rafu non rafuri Diosin onihuani nastumai un nica yoiquin isca huaiton, —Tushu yamaicuana iishquin. Nan aya cuscafia fasi chicoin. Nocofunun shafa fusti yonoshon ahuun rafanan trigo kilo fusti fitiro ascayamarai arroz kilo rafu non fustisi fitiro. Afanan fipaifia ahuun pui tushuama ahuara futsa afanan fipanan. Ascacun shuni yafi nan fimi uva ahuun unu chacana huayamahuu, —ishon yoia.

1 Samuel 2:18

Ascan Samuelcai Elí facufo cuscarama. Nocon Ifo Diosin Samuel amapaiyai cuscan huani. Ascatan Israelifohuunoa nocon Ifo Diosi cufinmisifoan sahuumisi cuscaran nanscaracoinri Samuel sahuumani. Sahuuti ahuun anu lino sahuuni.

1 Samuel 2:26

Ascashu nan furonanfacu Samuel yosisharani. Nocon Ifo Diosin oiain cuscan yorafoanri oinnifo Samuel furonanfacu shara ini. Ascacun ahuunoa yoisharanifo.

1 Samuel 3:1

Ascano nantianri nan furonanfacu Samuel Elí yononi cuscan huashoni. Nanscahuahuunshon Samuel nocon Ifo Diosi ashomisi. Nantiancai nocon Ifo Diosin ahuun tsain tsoan tapiyonima. Fusti rasiton ahuun tsain nicanifo. Aton namapanhuunshon Diosin ato tapimapaiyai cuscan fusti rasi tapinifo.

1 Samuel 3:21

Nan Silo pushu rasi ano Diospan ichananti pushu muran nocon Ifo Diosin Samuelqui nocopaoni ahuun tsain tapimashquin. Ascano nocon Ifo Diosin Samuel tapimani cuscan ahuun caifo Israelifori tapimapaoni.