Mateo 19:16 - Sharanahua: Diospan Tsain

¹⁶ Ascano pushcohuai Jesusqui caashon yocani, —Tapimamisiton minfin sharacoinquin, ¿Unmun ahua shara huatiroquin Dios fu ipashashquin? —ishon yocaiton.

Mateo 19:16 Iomraidhean Croise

Daniel 12:2

Nantiari yora ichapa namisifo funishquicani. Ascashu funitan Diosi icano a fu nipashquicani. Atirifoanri niyoshon tsoan Ifo Diosi nicapaimisima nanfofin rafipaishquicaniquin. Nanfohuunoa Upa Diosin shinanchacapacunacaquin.

Mateo 19:15

Ascashon facufo manmanpacutan Jesús cani.

Mateo 19:26

Jesús nocoqui fusoacucahuan noco cumani, —Nocofunucai afiri numatiroma. Diosin fustitofin yorafo numatiroquin. Nantofin ahuamamishti huatiroquin. Nocofunufoan atiroma cuscan nan Diosin huatiroran, —ishon noco yoaiton.

Mateo 19:29

Ascatari tsoan uhuunshon ahuun pushu yafi ahuun yorafo potafain apa potafain ahuari potafain ahuun facufo yafi ahuun mairi potashon ua tanapaisharai. Nanscara yorafin uqui nocoaitian fasi paratama fiishquiquin. Ascashu ufu ipanaca.

Mateo 25:46

Un ato nannori yoiaino umaquinoashu omitsiscapanacafo muran foshcani. Ascaino nan ua icoinra huafo uhuun Upa Diosin aton chaca soashonafo un icano ufu foshcani ufu ipashcaquin, —ishon Jesús ato yoini.

Juan 10:28

Omitsiscapanacafo muran focanima. Ua tanaifocai ari fonacafoma. Ascatamarocon un ato Upa Dios ya imapacunaca. Upa Diosin ato ua inan. Upan nantifi finoncoian. Upa Dios fu un fusti cuscaracoin. Ascancunfin tsoancai ua tanamisifo unmaqui yafi Upamaquiri imapacunacamaran, —ishon Jesús ato yoini.

Juan 12:25

Tsoan iscatiro “Diosin ua imapaiyai cuscacai un apaima. Ufi apaiyai cuscan fustifin un shinaincani,” ishon anori shinanshu funocointiro. Ascafia tsoan isca huaquin shinain, “Un nuno mai ano niyoshon ufi apaiyai cuscan un shinanpaitamarocon Diosin ua imapaiyai cuscan fusti un shinanpairan,” ishon yoitan Upa Dios fu ipasharatiro.

Juan 4:14

Ascafia tsoan na unu un ato ayamacai afanan nomipacunacama. Iconcoin na unu un inanquin a muran unu tsosi shara fuchoi cafiscai. Ayashu nan unuhuunoashu ipasharacointiro, —huaiton.

Juan 5:39

Man Diosin tsain fasi oinfafainmisishaquin man Dios fu nipatiroran ishon man shinanmisiquin. Anori man shinanfiaquicai Diospan tsain uhuunoa cunufiacashon mancai uqui fupaicanima un mato nimapacunon.

Juan 6:47

Unfin mato iconcoin yoicain. Tsoan ua icoinra huai Upa Dios fu nipashquin.

Juan 6:68

Pedronun cumani, —Ifon, non rato futsacai non catiroma. Mirus fusti min noco yoitiro ahuuscashumain non nipasharatiroquin.

Hechos 16:30

Funinaca huan ato rafu chifi caimani. —¿Ahuuscashomun uhuun chaca un shatutiroquin Upa Dios fu ipashquin? —ishon ato yocani.

Romanos 2:7

Nan tsoaran Diosin ato imapaiyai cuscan amisiton futsafo shara huafafaini tsain shara Upa Diosin atohuunoa yoisharaiton nicapaicani. Isca huaquin, —¡Aicho! Un mia yonoa cuscan min amisi. Un miqui unimai. Min ufu ipasharatiroran, —ishon nicapaicani. Afu ipashquin. Nan cuscarafo Upa Diosin aya ato imapacunaca.

Romanos 5:21

Ipaoni chaca fustisi yorafoan aton ifo icaino ato namaquin futsani. Ascafiashu natian Upa Diosin nocohuun ramapaiyaino nocon Ifo itiro. Nocon Ifo Jesucristohuunshon nocon chaca noco soashotiro a cuscara shara non inon afu ipashquin.

1 Timoteo 1:16

Ascacun uhuunshon Upa Diosin nantifi yora ismatiro nan chaca finacaia ahuun chaca soashotiro afu ipanon. Isca huaquin shinantirofo, —Shinancapon, Pablonun fasi chaca huapaonifiacun Jesucristo fasi Pablo noiquin. Jesús uarifi noitiro. Pablo numaquifin uarifi numatiroquin un afu nipanon, —icashon shinantirofo.

1 Timoteo 6:12

Ichananfo ano min ato cayacafi shara yoini isca huaquin, —Un Jesús icoinra huai. Afin uhuun Iforan, —ishon min ato yoini cuscan yora ichapafain mia nicanonfo. Ascacun ahuara ahuuscarafiaino nantishotapiquin Jesús icoinra huacoinhuun. Ahuarafoan mia shatumapaiyai cuscan nicatama Jesús fusti icoinra huafafainhuun. Ascashu shafatifi Jesús fu rafuhuun. Jesushuunoashu min Dios fu nipatiro. Ascano natian nan min naitianri ahuara chacafo potahuu Jesús onancoinshquin.

1 Timoteo 6:19

Ascashu chipo Diosiqui nocoaifotian ato inain cuscacai cuyopacunacama. Ascatari Dios fu isharapacutirofo.

Tito 3:7

Ascano Diosin nocohuun ramapaiquin yoini isca huaquin, —Uhuun facu mia nashoni. Min chaca mia soashoshquin. Ascacufin natiancai mihuun ahua nuamaran, —ishon yoini. Ascacun norifi non ahuun facufo icaino non afu ipatiroquin.

1 Juan 1:2

Apa Dios fu ifiashu nocoqui fotoni. Nanton noco nimapacutiro. Ascashon non oian cuscan un mato yoi.

1 Juan 2:25

Noco yoiyotiani cuscan non afu ipasharatiroquin.

1 Juan 5:20

Diospan Furun oni Dios iconmisiton noco tapimanon. Ahuunoashu non Upa Dios nan iconmisi fu non ipatiro. Furunri Diosicoin no fu ipanaca. Ascan noco nimapacutiroquin.

Judas 1:21

Jesús tanasharacahuun Upa Diosin mato noicoiain cuscan man mufafaintiro. Nocon Ifo Jesucristo nocohuun ramapaiquin non naafiacun noco nimapacuaino non afu ipanon. Ascacun funaquima manasharacahuun afu ipashcaquin.