Mateo 18:7 - Sharanahua: Diospan Tsain

⁷ Ascano nan icoinra huamafoan futsafo chaca huamamisi. Ascafia nanfocaifin fasi omitsiscacoinshcaniquin. Ascashon mato chaca huamapaifafaincani. Ascafia nan futsa chaca huamafocaifin fasi omitsiscai finacoinshcaniquin.

Mateo 18:7 Iomraidhean Croise

Génesis 13:7

Ascashu pashcanantaifoma Abram ahuun ina cushumisifo yafi Lotpan ahuun ina cushumisifo fochishmanantanancain asca huan tanannifo. Nan mai anori nantia Cananeofo yafi Ferezeofo icafo ini.

2 Samuel 12:14

Ascafia min chaca huahuunoa nocon Ifo Diosin nan noicasmaifoan shinantiro acai ahuamaran ishon yoifain ahuunoa tsain chaca huacani. Ascan min facu rama caian man nairan, —ishon Natán David yoini.

Mateo 16:23

Jesús ifiacucahuan Pedro yoini, —Satanás catahuun. Min ua amaquiri shinanchacamapai. Upa Diosin shinain cuscacai shinantama nan nocofunufoan shinainfo cuscan min shinanran, —ishon Jesús yoini.

Mateo 26:24

Ascan Upa Diosin tsain inon pacoai uhuunoa cununi cuscacoinfin un naicain. Ascafia nan nocofunun ua ato achimanai cainyamanifin shara icuanaquin, —ishon Jesús noco yoiaiton.

Marcos 13:7

Mani futsafo ya futsafo rutunainfoan man nicashquin. Icataimari anori man nicaiyoicai. Anori nicai ratuyamacahuun. Un mato yoimisi cuscan nanscacoin aiquin. Ascafia Jerusalén cuyoataima.

Lucas 17:1

Asca huatan Jesús afu rafuafo yoini isca huaquin, —Ahuarafoan mato chaca huamapaifafainshcani. Ascafia nan futsa chaca huamafocaifin fasi omitsiscai finacoinshcaniquin.

Juan 17:12

Un atofu iyoshon un ato cushushara. Minhuunshon un ato cushushara. Un tsoanshta funoama. Nan Satanás ahuun facu fusti funoa. Min tsain yoiyoni cuscan nan fusti funoa.”

Hechos 1:16

Isca huaquin, —Uhuun yoramishtichin ua nicacahuun. Judaspan ato tapimaita ahuuscashomain nocon Ifo Jesús achicanicain. Nocon shuni David Diospan Yoshin Sharahuunshon inonpacoai cunuyoni cuscan Judaspan man aca.

1 Corintios 11:19

Man shinanraca, —Nan man fochishmanantananquin man tapitiro ratofoanmain cayacafi shinancanicai, —ishon man shinan. ¡Ohuashta! Anorima. Man fasi amaquiricoin shinan.

1 Timoteo 6:1

Ascan tsain futsa afanan un mia tapimanon. Nan yonomati Jesús icoinra huafoan aton ifo yonosharashofain ato nicasharacoinon. Asca huaifoan oinquicai icoinra huamafoan atohuunshon Diosqui shinanchacatirofoma. Ascashon non Jesushuunoa yosimisi cuscan shinanchacanonfoma.

Tito 2:5

Ascatancai ahuara ahuuscarafiaino shinanchacatama shinanshara fustifain ahuara chacafo shinantama aton nomuranshon shara fustisi shinansharatiro icain aton pushu ano yonoshara fustifain futsafo tsain shara fustisi yoiquin ahuun nomuran shinansharamatiro icain funun aton yoiai cuscan nicasharatirofo. Ascan nan ainfo iyoafofoan yoiquin isca huaifoannocai atohuunshon tsoan Diosin tsainhuunoari tsain chaca huatiroma.

Tito 2:8

Ato cayacaficoin yosihuu isharacoinnonfo. Ascano min ato yoia cuscacai tsoancai min tsain chacacoinran huatiroma. Ascatama mia nicacasmashu rafitirofo. Ascashocai tsoan nocohuunoa ahua chaca yoitirofoma.

Judas 1:4

Futsafoan mato muran nocoi tau cashon man tapicuma mato fomanfo chaca huamisifiacashon. Ascashu nanfocai Diospan yorama. A furicai imisifoma non chaca huamisi cuscan non yoiaiton Upa Diosin Furunhuunshon noco soashona non afu ipanon. Nan fusti non yopai isharashquin. Ascafia nanfoan fasi amaquiri chacacoin mato tapimapaicani. Isca huaquin mato yoipai, —Man Jesús icoinra huashon man apaiyai cuscan man atiroqui. Maton ahuinma fu icain ainfofori aton funuma fu itirofo. Ascashon ahuara chaca futsafo man huapaiyai cuscan man atiro. Non asca huaitocai Dios noco onaintimaimaran, —ishon fasi amaquiri mato yosipaicani. Nocon Ifo Jesucristo fusti nicacasmacani. Nan cuscarafohuunoa Diospan tsain cunuyoni. Ato onaintimaicoinshquin.

1 Samuel 2:17

Aton Ifo Diosin yononi cuscan futsafoan aton ina Diosi inanpaiyai cuscan nan Elí furu rafutan shinannifo acai ahuama. Ascacun Elí furu rafutan apaonifo cuscan nocon Ifo Diosin oinni fasi chaca huaifoan.