Mateo 13:3 - Sharanahua: Diospan Tsain

³ Ascashon ahuara futsahuunoa cuscara ato yoini ato tapimashquin. Yoini isca huani, —Nocofunun ahuun noshati murannoa fimi ushu fishon ahuun mau mamaqui saani.

Mateo 13:3 Iomraidhean Croise

Mateo 13:4

Saacano ushufo fai nushmancayan pacua puiyafoan piinifo.

Mateo 13:53

Ascano noco yoia cuscan ahuara futsa tapinonfo anaititan Jesús nan pushconi pushurasi ano nasoni. Ascatan Israelifoan aton ichananti pushu muran iquishon ato yoiaiton ahuun tsain nicacani mustairicatan yoinifo, —¿Ahuuscai na nocofunun fasi tapi sharacoianmun? Tsoan atiroma cuscan huapaiquifin atiroquin. ¿Tsoanco Jesús ascara tapimanamun?

Mateo 22:1

Afanan Jesús ato yoiqui ahuara futsa ato tapimanon isca huani, —Upa Diosin niaifoan ahuun yorafo iquinaimain ahuu cuscaraquin un mato yoinon. Ua nicacahuun. Niaifoan ahuun facu ainfo fiaino ato chanihuani ichananshon ato futan pifain atofu fasi unimashquin.

Mateo 24:32

Ascacun un mato fana huiguerahuunoa ahuara futsa yoinon. Ua nicasharacahuun. Huiguera pui risquisi futsuaiton man tapitiro faritian itiro cuscan.

Marcos 12:1

Ascano nantianri Jesús ahuarafo cuscarahuunoa ato yosini. Isca huaquin, —Nocofunu futsan ahuun mau ano fimi ahuun anu uva fanani. Ascashon fimicun aqui toquiri cunuacuni ahuaton chaca huanonma. Mai quini huashon prensa mafishtamani. Ascashonri toquiri cushuti cuscara cuya masoa anoshon cushusharashquin. Anaitishon mau yonomisifo ifoan ato inanyoa ahuun mau cushusharanonfo. Ato inanyotan mai futsa ano cayoni.

Marcos 12:12

Nicacani Israelifoan aton niaifofo fasi sinanifo. Jesús atohuunoa yoiai tapicanashu Jesús achipaifiacani yorafoqui ratunifo achinifoma. Asca huatan amaquinoashu fonifoquin.

Marcos 3:23

Ascano Jesús ato cunani. Ato ahuara futsafohuunoa yoishquin ato tapimanon. Yoini isca huaquin, —¿Ahuuscashumain Satanás afiri potatiroquin?

Marcos 4:13

—¿Nanfo un saamisihuunoa ahuara futsa ato tapima cuscan man nicayamaiton ahuuscashomun man tsain futsafori nicatiroquin?

Marcos 4:33

Ascatari tsain futsahuunoa ichapa ato yoini ato tapimanon. Afohuunshon ato Diosin tsain tapimani. Tapitirofo cuscan ato tapimani.

Lucas 12:41

Ascaiton Pedronun yocani, —¿Ifon, min ahuarafo yoiai cuscan noco fusti min tapimapai iyamaraimun nantifi yorafori min tapimapaiquin? —ishon yocaiton.

Lucas 8:10

Jesús ato cumani, —Upa Dios a icanoshon ahuun yorafo iquinai cuscan un mato fusti shafacafi tapimai. Ascan nanfofin ahuarafo cuscarahuunshon fustisi un ato yoiaquin. Ascashon nanfoancai un ato oinmana cuscan oinfiaquicai tapiafoma. Nicafiaquiricai tapisharafoma.

Juan 16:25

Un mato yoiyaifo tapifiashocai atirifi man tapiataima. Un mato shafacafi yoicoiantaima. Ascafia un chipo mato yoicoin Upa Diosihuunoa shafacafi man tapinon.