Mateo 12:43 - Sharanahua: Diospan Tsain

^43-44 Yoshin chaca nocofunumaquinoashu cai tsoan istaipama ano cani shara futsa funai cai anoshon tunushquin. Ascafia fuchiamacaiqui yoshin chacanun afanan shinanqui isca huani, “Unfin nan nocofunuhuun ipaoniquin. Ascacun un afanan aqui nasoiran,” ishon shinanni. Ascatan aqui nocoshon oian tsoa futsacai afu rafua inima.

Mateo 12:43 Iomraidhean Croise

Salmos 63:1

Upa Diosin minfin uhuun Diosiquin. Un mi fu rafupaicoin. Tsoa nomicoin unu yopatiro. Nanscarifi ai unfin nan nomiyai cuscaraquin uhuun nomuran un mia yopacoin. Un mua uhuun nomuran un mutocoin. Atsanacoin cafiscai mia funai.

Mateo 8:29

Jesús fuchicatan oi ashcafinin yoinifo, —Minfin Diospan facuquin. ¿Min noco ahuusca huapai oamun? Min noco omitsisca huaitian icataiyamafiano min noco omitsisca huai oamun, —ishon Jesús yoinifo.

Hechos 8:13

Nan Simón arifi icoinra huacun unu muran iquimani. Ascano Felipen Jesucristohuunshon ahuamamishti yoran atiroma cuscan huaiton oin fasi mustairini. Ascashon Simón Felipe mufoanfafainni acaiton oinquin.

1 Pedro 5:8

Masharo fonainquin cahuancacaiquin ahuarafo funafoanfafainni piishquin. Nanscarifiai nan nocon noicasmamisi yoshin chaca Satanás cahuancacaini tsoan Diosihuunoa shinanyamaifo ato chaca huamafain ato omitsiscamashquin afanan Diosihuunoa shinanonfoma. Ascacun oinfain. Ahuara chacahuunoa shinanyamacahuun. Upa Diosin mato shinanmapaiyai cuscan nan fusti shinancahuun Satanás mato chaca huamanonma.