Mateo 10:6 - Sharanahua: Diospan Tsain

⁶ Ari fotamarocon nocon caifo Israelifo muransi fotacahuun. Nanfofin chashoan funoa cuscarafoquin.

Mateo 10:6 Iomraidhean Croise

Salmos 119:176

Nan chashoan funotiro cuscan urifi mun funoa. Uhuun Ifon, ua funapun un afanan mi fu inon. Min ua yonoa cuscan un ointiaquimamaquin.

Mateo 18:10

Facufohuunoa isca huaqui shinanyamacahuun, “Na facucai ahuamaran,” ishon atohuunoa shinanyamacahuun. Un mato cayacafi yoi Upa Diosin ahuun oinmatifoan facufo cushusharafafainmisifo. Nan oinmatifori Upa Dios fu ifafaincani.

Mateo 18:11

Ascacun nantifi yora funoafo numayoifin un oaquin. Ascashon un aton chaca soashona isharapacushanonfo un oni.

Hechos 13:46

Asca huafiainfoanno ranotama ato cumanifo, —Non Diosin tsain Jesushuunoa mato yoiqui tauhuai yoi non oa. Ascafiaiton man nicacasmai. Nicacasmashucai man Upa Dios fu ipatiroma. Ascacun non nocon caifoma yoicai.

Hechos 18:6

Ascafia Pablonun ato yoifiaino nicatimanifo. Aqui tsain chaca huanifo. Ascaifoan aton ointaifi ahuun sahuuti pucatan tatan ani aton fuyamisi cuscara ato oinmaquin. Diosin tsain nicacasmaifoan ato oinmaquin. —Man ua nicacasmai. Ascan man omitsiscainocai uhuun nuama. Matohuunfin nuaquin. Diosin ua yonoa cuscan un mato yoifiaino man ua nicacasmai. Ascan un afanan mato yoitamarocon un nocon caifoma un yoi cairan, —ishon ato yoini.

Hechos 26:20

Maton chaca shatucahuun Diosiquiri shinanshquin. Isharashcaquin mato icoinra huanonfo maton chaca shatucoinshon Dios tanacahuun. Nannori un Damasco anoafo yoifain Jerusalén anoafo yoifain Judea mai anoafoti yoifain uhuun caifomari un ato nantifi yoimisi.

Hechos 3:26

Ascan ahuun Furun Jesús matoqui nichini ahuun oinmati inon. Matoqui nichiqui tau huani mato shara huanon maton chaca man cachiquiri huapanon, —ishon Pedronun ato yoini.

1 Pedro 2:25

Ascan manfin nan chashoanfo funoa cuscarafo ipaoniquin. Ascafia natian man mato cushumisi Jesusqui nasoa mato cushufafainshquin man afu rafupacunon.