Mateo 1:16 - Sharanahua: Diospan Tsain

¹⁶ Jacob facu José ini. José ahuin María nan Jesús ahua ini. Jesús Upa Diosin catonni nocon Numamisi inon. Nan non Cristoran huamisi.

Mateo 1:16 Iomraidhean Croise

Mateo 1:15

Eliud facu Eleazar ini. Eleazar facu Matán ini. Matán facu Jacob ini.

Mateo 16:16

Ascaiton Pedronun cumani, —Minfin Cristoquin. Nan Diosin nipanacaton mia catonni min ahuun facuran, —ishon yoaiton.

Mateo 16:20

Ascatan non afu rafuafo futsafori noco yoiqui isca huani, —Unfin Cristoquin tsoa yoiyamacahuun, —noco huani.

Mateo 2:13

Man fishihuunoa tapicoianfo atomaquinoashu foafono Diospan oinmatinin afu nai muran imisi José ahuun namapan yoiquin isca huani, —Funinaca huahuun. Nan facu yafi ahua Egipto ano iyoriscatahuun. Ascashu nanri iyohuu nan un mia afanan yoiaitian. Nan Herodes facu funaiqui rutushquin, —ishon Diospan oinmatinin José yoini.

Mateo 27:17

Jesús ahua chaca huaiyamafiacun. A icai cuscan apaicaquin nocon niaifofo Jesusqui sinacaquin Pilato ano iyonifo. Nan acaifo cuscan Pilato man tapian ini. Ascacun Pilato nanno yora ichananfo yocani, —¿Ratocaimun un mato cainmashotioquin? ¿Barrabás iyamarai Jesús nan Cristo Diosin catoanran man huamisi? —ishon ato yocaiton.

Mateo 27:22

—¿Un Barrabás caimashomun un Jesús nan Cristo Diosin catoan un ahuusca huaicai? —ishon ato yocaiton. Afanan nantifiton yoinifo, —Mastahuun, nanon, —huaifoan.

Marcos 6:3

Nanfin ihui yonomisiquin. María facu. Chipocufo Santiago non José non Judas non Simón. Ahuun poifori nuno no fu imisifo. Nonfin Jesús onanquin. Aacai ahuama. ¿Ahuuscashomun ahuamamishti huatiroquin? —icashu yoinannifo. Nannori shinancashon aqui shinanchacanifo. Acai cuscarocon huacani. Afanan Jesús nicapainifoma.

Lucas 2:48

Ascano ahua futan apan fuchicashon yoinifo, —Oinpon. Nocon facu iyoafofo nastui tsaoa. ¿Ahuuscaimun noco facu icuscaiquin? —huanifo. Ascashon ahuan cunani, —Cocan, ¿Ahuuscai upa yafi min noco funamanain? ¿Min tapiamamun upa futan un mia funai? Non fasi ratua, —huaiton.

Lucas 2:7

Nannoashu furonanfacu caianshu facuyai tauni. Nantifi pushu fospifafainano tsoan ato iquimapaiyamaino inafoan pimisifo pushu facushta murannoashu furun cainni. Caincun ahuun rashutinin rashuni. Ascashon inafoan piafo muran furun ratani.

Lucas 3:23

Jesús treinta fariatian tau huaquin yorafo yosini. Ascano yorafoan shinancaquin Jesús José ahuun facuran, huafiainfonocai ahuun facucoin inima. José ahuun apa Elí ini.

Lucas 4:22

Ascaiton nicacani mustairicatan yoinifo, —Ahuun tsain fasi sharacoin. ¿Nocofunu sharacoinfiashon ahuuscashon iscara tsain shara noco yoimun ahuamafiashon? Naanmun José ahuun facu, —ishon yoinifo.

Juan 4:25

—Mun tapia Upa Diosin chipo nocofunu nocoqui nichishquin. Aafin chipo nocoquin ooshquin. Ahuun anu futsa Cristo. Afin nocoshon noco nantifi shafacafi tapimashquin, —afanan ainfoan yoini.