Lucas 6:12 - Sharanahua: Diospan Tsain

¹² Shafa futsaino Jesús machi ano mapuni Apa Dios cufishquin. Ascano nannoshon yamutishon apa cufishini.

Lucas 6:12 Iomraidhean Croise

Daniel 6:10

Ascan niaifoan cununi cuscan Daniel nicain ahuun pushu ano cani. Pushu cunu futsa fomancaya inashon shoi ventana Jerusalenhuuri fupuni. Nannoshon imisi cuscan ratoconun mai chachishon Daniel nocon Ifo Diosi cufini. Shafatifi cufinquin rafu non fusti huani. Nocon Ifo Diosi cufinquin ahuunoa shara yoiquin aichoran huani.

Mateo 5:1

Yorahuanrasi aqui fuaifoan oin Jesús mapufaintan machi pochinin tsaoni. Nanno tsaoano ahuunshon tapiafo a shinain caiton noco yosiquin isca huani.

Mateo 6:6

Ascacun marifi ato cuscara iyamacahuun. Man Dios cufiaitian tsoa yamaino Upa cuficahuun. Ascafiacun Upa fustiton mato ointiro. Ascashu matoqui unimacoinquin man yopai cuscan mato inansharashquin.

Marcos 1:35

Ascatan shafacuaino pushu murannoashu Apa Dios cuficai tsoan istaipama cani.

Marcos 3:13

Ascatan Jesús machi mapufaitan afu rafuafo cunani, —Uqui fucahuun, —ato huani.

Marcos 6:46

Ato nichitan arus fusti machi mamaqui caashu Apa Dios fu tsainni.

Lucas 5:16

Ascacaini cashon tsoan icamanoshon Apa Dios cufin capaoni.

Lucas 6:11

Ascaiton oincani Fariseofo yafi Moisés cunu tapimamisifo fasi aqui sinacoincaquin yoinifo —¿Nonmun ahuuscashon Jesús shatumatiroquin afanan isca huanonma? —icashu ahuun yoinannifo.

Lucas 6:17

Machi tununman fotoaino aqui yorahuanrasi funifo. Ascaino a tanamisifo yafi Judea anoafo atirifi fuaino Jerusalén anoafori fuaino ianmanhuan cusumunnoa Sidón yafi Tiro pushurasi anoafori funifo.

Lucas 9:18

Ascatan shafa futsa Jesús afu rafuafo ointaifi apa Dios cufini. Cufinquin anaititan ato yocani, —¿Yorafoan shinanmun un tsoaquin? —ishon ato yocaiton.

Lucas 9:28

Ascashu ocho osha finontan Jesús Pedro non Juan non Santiago nan rafu non fusti ato machi ano iyoni. Apa Dios cufi caquin.

Lucas 9:29

Ascashon Apa Dios cufiaino ahuun fuso fianananriscatani. Ahuun sahuutiri chashariscatani nan yoa rama furoa ointsa. Fasi osho sharacoin facafacai ini.

Juan 6:3

Nocon caifo Israelifoan nocon fusititian Diosin ahuun nai oinmatinin nocon shunifo aton furu iyoafofosi finonmani nanonfoma. Nan shafan nocoti chaima. Nantianri Jesús cusumunri nocoshon nonfin afu rafumisifori machi ano caashu nanno non tsaoyoni.

Colosenses 4:2

Ascacun Upa Dios cufinquin unuyamacahuun. Cufinquin ahuara futsa shinancaquima. Upa Dios iconcoin fusti cufinquin isca huafafaincahuun, —¡Aicho! Upa Diosin min ua shara huafafainiran, —ishon cuficahuun.

Hebreos 5:7

Jesús mai ano iyoashu omitsiscapaoni. Ascashu nocohuunoashu naitian oi ashcafinin uaiyanan Apa Dios cufinquin isca huani, —Upashtan, mian numapaiquin mian numatiro un nanonma. Ascafia un apaiyai cuscan huaima nan mian amapaiyai cuscan fusti ua huahuun, —ishon Apa Dios yoini. Ascashon nan Apa amapaiyai cuscan fustisi shinanquin cufiai cuscan nicacoinni.

1 Samuel 15:11

—Saúl ua tanasharayamafain un yonoa cuscan afanan ua nica sharaima. Ascan uhuun nomuran mun fasi shinain. Un Saúl catonyamani niaifo icama shara icuanaran, —ishon nocon Ifo Diosin Samuel yoiaiton nicaquin Samuel arifi fasi shinancoinni. Yamutishon nocon Ifo Diosi cufinshini.