Lucas 5:1 - Sharanahua: Diospan Tsain

¹ Shafa futsaino Jesús ianmanhuan Genesaret cusumun ini. Ascaino yorahuanrasi aqui funifo. Diospan tsain nicai fucani.

Lucas 5:1 Iomraidhean Croise

Mateo 11:12

Nan Juanpan ato unu muran iquimapacunitian natianri yorafo Dios icano fasi iquipaicoincani. Ascashon shinanqui isca huafo, “Diosin niaifoan ahuun yora urifi un ipai afu nipashquin. Ascacucai ahuashtaton ua nitun huatiroma un ahuun yora icaiton,” ishon shinancani.

Mateo 14:34

Ascatan ian pocufaini Genesaret ano non noconi.

Marcos 3:9

Yora ichapa caya huamamisi tapicanashu isinincaifo ichaparasi aqui funifo. —Norifi non Jesusqui mupiashu non cayatiroran, —icashon shinannifo. Jesús oinquin afu rafuafo yoini, —Ua shasho fushocahuun. Ipaishoma un yopaicai. Yorahuanrasiton ua yuruatiroquin, —Jesús huani.

Marcos 4:1

Ascano iyoco futsaino ian cusumunshon Jesús ato yosiaiton nicacani yorahuanrasi funifo. Fuaifono shashon naqui nanupacucahuan cushan camaqui tsaoshon ato yoini. Ascaino ian cusumun maponifo ahuun tsain nicacani.

Marcos 5:24

Ascatan cani. Ascaino yorahuanrasi afu fonifo. Focani fasi yuruinfainifo.

Marcos 6:53

Ascatan ian pocufainifo Genesaret cusumunri nocoshon. Nanno shasho nushanifo.

Lucas 12:1

Ascaino yorahuanrasi aqui fucani yurui furanifo. Ascaifoan Jesús afu rafuafo yoiqui isca huani, —Oinfain. Fariseofoan, “Sharaforan,” mato huamapaicani. Sharafomafinquin. Sharafo shafain man ica sharafoyamafiacun. Nanfo fuparamitsamisifo. Ascacun ato cuscara iyamacahuun.

Lucas 5:2

Nan chaimanoa shasho rafu rutica Jesús fuchini. Ifofoan aton nushuti chocaifono.

Lucas 8:22

Shafa futsa Jesús afu rafuafo yoini, —Non ianmanhuan oquiri fonon focahuun, —ato huaino afu nanufainifo.

Lucas 8:23

Ascashu foaifono atoqui fuuhuan noconi. Nantian Jesús shasho tsispa camaquinoashu osha ini. Ascano fuuhuanquin ianmanhuan fuchoquin unu shasho muran iquimani. Fasi musucoin ini.

Lucas 8:33

Nocofunuhuunoashu yoshin chacafo yahuafohuun fonifo. Ascaino yahuahuanrasi ian muran maocofainni asai futsunifo.

Lucas 8:45

Ascaiton Jesús ato yocani, —¿Tsoan ua muamun? —ato huaiton. Nantifiton yoinifo, —Non mia muamaran, —ishon futsan yoicun futsan yoicun huanifo. Ascaiton Pedronun yoini, —Tapimamisiton, yorahuanrasiton mia yuruafain mia putsiquinaforan, —huaiton.

Juan 1:40

Nan rafu Juanpan ato yoia cuscan nicacatan Jesús mufainifo futsan ahuun anu Andrés. Nan Andrés ahuun ochi Simón Pedro.

Juan 6:1

Ascano ato yoiquin anaititan Jesús afanan no fu ian ahuun anu Galilea pocufaini cani. Ahuun anu futsa Tiberias. No fu cusumunri noco ano yorahuanrasi aqui funifo. Isinin imisifo aqui fuafoan ahuun tsainmansi ato caya huani. Ato caya huaiton oincani aqui funifo.

Hebreos 13:7

Dios fu tsainti pushu muranshon Diosin tsain yoimisifoan mato yosinifo cuscan atohuunoa shinancahuun. Nanfoan futsafo shara huafafainmisi. Ascashon fasi noco Ifo Jesús icoinra huamisifo. Ascacun atohuun caocahuun Jesús tanasharafafainshcaquin.