Lucas 24:21 - Sharanahua: Diospan Tsain

²¹ “Nancairocon nocon caifo Israelifo nocon Numamisi ipainonran,” non huamisi. Asca natian man naita shafa rafu non fusti man finoan.

Lucas 24:21 Iomraidhean Croise

Salmos 130:8

Nan fustifin nocon Numamisiquin. Israelifo nan ahuun yorafo ato numa aqui chaca huamisi cuscan nantifi aton chaca soashona afanan ascara chacafo shinanonma.

Lucas 1:68

“Uhuun caifo Israelifoan nocon Diosin fasi sharacoin. Nocoqui oa noco numashqui.

Lucas 2:38

Ascano José yafi María Simeón fu tsaincaifoanno nantianari atoqui Ana oni. Oshon facu fuchitoshiquin yoini, —¡Aichoran! Upa Diosin, natian min facu min nocoqui nichian nocon Numamisi ipashanon, —ishon yoini. Ascashon nan facu oian cuscan Jerusalén anoafo nan manamisifo Anapan yoiqui isca huani, —Mun nocon Numamisi oincoian. Man nocoaran, —ishon ato yoipacuni.

Hechos 1:6

Ascatan chipo afanan afu ichanancashon yocanifo, —¿Ifon, min natian yonoimamun nocon caifo Israelifo nocon niaifo fusti inon Romanofoan aton niaifoan afanan noco yonononma? —huaifoan.

Hechos 7:28

¿Min Egipcio nocofunu rutuita cuscan uarifi mian rutupaimun?” ishon yoini.

Apocalipsis 5:9

Ascano nantianri nanfo fanainti funapan fanainquin iscafo, “Min chaca huayamafiamisicun mia rutunifo. Ascashu nantifi yorafo manifoti min noco nashocai min imi foni Satanás afanan nocon ifo itama Upa Diosin ahuun yorafo non inon. Ascacufin mirus fusti nan cunu Upa Diosin tsoma min fitiroquin. Ascashon ahuun tashna huamuafo min noco fupushotiro amuran cunua cuscan noco tapimashquin. Mihuunshon mia icoinra huafoti Diospan yorafo itirofo. Ascano nanfoanri futsafo min tsain shara ato tapimanano min ato amapaiyai cuscan anonfo. Ascacun non maifoti anoafoan niaifo patashari iishquiran,” icashu fanaincafo.