Lucas 23:10 - Sharanahua: Diospan Tsain

¹⁰ Ascaino nocon yorafohuunshon Dios cufimisi niaifofo yafi Moisés cununi cuscan tapimamisifo Herodesqui fasi chanirianifo chaca huacaquin.

Lucas 23:10 Iomraidhean Croise

Mateo 27:12

Ascashon nocon yorafohuunshon Dios cufimisi niaifofo yafi Dios fu tsainti pushu niaifofoanri Jesús ahuara chaca huamisiran huafiaifoannocai puusinima.

Lucas 11:53

Nicacanashu Fariseofo yafi Moisés cunu tapimamisifori fasi aqui sinacoincaquin aqui tsain chipunifo. Fasi ichapafain yocanifo. Ahuarashta amaquiri ato cumaiton nicapaicaquin. Amaquiri ato yoitanaino niaifofoquin chanipaicaquin Jesús cunu muran iquimanonfo.

Lucas 23:11

Ascaino Herodes futan ahuun ranushumuafoanri fasi cashumutsama huaquin roarianifo. Niaifoan sahuuti sahuumatan Pilato ano afanan nichinifo.

Lucas 23:2

Ascano niaifofoan Jesús tsain paranacaquin yoinifo, —Na nocofunun fasi noco yorafo fucash huaquin ato yoia, “Romanon niaifoan mato pui yocaiton inanyamacahuun,” ishon yoifain “Un Diospan facu un mato niaiforan,” noco huaran, —ishon Pilato yoinifo.

Lucas 23:5

Ascafiaiton fasi curushcain cumanifo, —Na nocofununfin ato yoiquin Judea maitio fasi ato fucash huafoanfafaini. “Romanonfoan niaifo non potanon,” ishon yoiaquin. Tau huaqui Galilea anoafo yoiqui fucash huatan nunorifi man oaran, —huanifo.

Lucas 23:9

Ascashon fasi ahuarafo Jesús yocapaifiaitocai cumanima.

Hechos 24:5

Nan nocofunu Pablonun fasi nocon caifo Israelifo fucash huamisi. Icafoti mucamamisi. Nocon caifo amaquiri shinanmapaiyaifoan aton anufo Nazarenonfo. Pablo aton niaifo.