Lucas 2:4 - Sharanahua: Diospan Tsain

⁴ Ascacun José yafi María Nazaret pushurasi Galilea murannoashu focani Belén pushurasi Judea mai ano noconifo. Nan Belén David ahuun mai ini. José David ahuun funa. Ascacun arifi Belén ano cani.

Lucas 2:4 Iomraidhean Croise

Génesis 35:19

Ascafin Raquel nai aniquin. Efrata fai cusumunri naacun mai huanifo. Nanno anuni Belén.

Génesis 48:7

Un Padán-aram anoashu nasoaitian min uhua Raquel man nani. Nan Padán-aram Canaán muran. Non na mai Efrata nocoti chaima non min uhua fai cusumunri mai huani. Nantian nan Efrata anu futsa fiananan huani Belénran huani, —ishon Jacob yoini.

Mateo 1:20

Nanscara ahuun nomuranshon shinanfiaino ahuun namapan Diosin ahuun oinmatinin afu nai muran imisi aqui oshon yoiquin isca huani, —José minfin David funaquin. Ascacun shinanchacaquima María fihuu. Nan facu nanuafin Diosin Yoshin Sharapan nanumanaquin.

Mateo 2:23

Ascashu Nazaret pushurasi muran fonifo. Diosihuunshon inon pacoai yoimisiton nannori cunuquin isca huani, “Cristofin Nazarenon ishquiquin,” ishon cununi.

Lucas 2:3

Ascano nantifi focanashu aton mai anoashu cununifo.

Lucas 2:5

María fu aton anu cunui focani fonifo. Ascashu man yoinanfo ini afu fiananshquin. Ascafia nantianri man facu nanua ini.

Lucas 4:16

Ascacaini cai nan pushconi Nazaret ano cani. Nannoashu Israelifoan aton tunutitian nan imisi cuscan ato ichananti pushu muran iquishon ninacahuan Diosin tsain Jesús ato yoini.

Juan 1:46

—¿Ahuatomun noco Nazaret ano shara huashotiroquin? —Natanael huaiton. —Ohuu, Oinshquin, —Felipe huani.

Juan 7:42

Diospan tsain cununi cuscan, “Cristo David funa inon. David ipaoni nannoashuri Cristo cainshquiran,” ishon Diospan tsain cunushoni. Ascan Cristocai Galilea anoashu caintiromaran, —ishon yoinifo.

1 Samuel 16:1

Ascan nocon Ifo Diosin Samuel yoini isca huaquin, —Mun yoia Saulcai afanan Israeli niaifo itiroma. Ascan afanan ahuunoa shinanyamahuun. Min moi masho muran shuni manuhuun. Asca huatan Belén pushu rasi ano catahuun. Nanno a nocofunu Isaí icano catahuun. Ahuun furun futsa un catoan Israeli niaifo inon, —ishon Diosin yoini.

1 Samuel 16:4

Ascan nocon Ifo Diosin yoia cuscacoin Samuel huani. Belén ano nocoaino niaifo patasharinoafo fasi ratucoincaquin Samuel yoiquin isca huanifo, —¿Ahuara chaca finoanshu min oamun? ¿Ascayamarai unimai min oamun? —ishon yocanifo.

1 Samuel 17:12

Nantian Isaí anifoshta Belén ano ica ini. Nantifi ahuun facu nocofunufo ocho ini. Furu chipocuton ahuun anu David ini.

1 Samuel 17:58

Ascaiton Saúl David yocani, —¿Pushcoshtan, ua tapimahuun min upa tsoamainquin? —ishon yocaiton. David cumani, —Uhuun upa anufin Isaiquin. Belén pushu rasi anofin icaquin, —ishon cumani.

1 Samuel 20:6

Min upan “¿David raqui caamun?” huaiton yoihuu isca huaquin, “David caashquin ua yocaquin tau hua Belén ano apa icano coshicoin caashquin nantifi ahuun yorafo futan amisi cuscan nocon Ifo Diosi ina rutushoni cairan,” ishon ua yoia.