Lucas 17:8 - Sharanahua: Diospan Tsain

⁸ Ma. Ascarama. Asacatamarocon man yoitiro isca huaqui, “Ua pichashoniyohuu. Ascan man icun mian yoitiro un picanon. Mun piqui anaitiano min chipo pitiroran,” ishon man oinmati yoitiro.

Lucas 17:8 Iomraidhean Croise

Génesis 43:16

Ascano Benjamín arifi ato fu caiton José oinquin ahuun oinmati yononi isca huaquin, —Nan nocofunufo uhuun pushu ano iyotacahuun. Uhuun ina futsa ua rutushohuun un ato pimanon. Fari masafinin racano nanfoan u futan picaniran, —ishon José yoini.

2 Samuel 12:20

Nicain David funinacahuan nashicain shiran icain sahuuti futsa sahuufain Diosi fu tsainti pushu muran iquishon nocon Ifo Diosi cufifain ahuun Ifo Diosihuunoa yoisharani. Yoiquin anaititan ahuun pushu ano nasoni piishquin.

Lucas 12:37

Ascaino Ifoan nocoshon oian ahuun oinmatifo itisharafoanno unimacointiro. Nanforifi a unimatirofo. Ascan un mato icon yoi, Nan ifoan atoqui nocoshon ato pimaquin yoiqui isca huai, “¡Aicho! Fucahuun. Un mato pimapaiquin,” ishon ato yoitiro.

Lucas 17:7

Ascacun tsain futsa un mato yoinon. ¿Man oinmati yashomun mato maumamaqui oro yamaraquin chashoanfo cushuashu yatashta pushu ano nasoaitomun ahuun ifoan yoitiromun? “Piyohuu,” huatiromun.

Lucas 17:9

¿Asca ahuun oinmati nan yoia cuscacoin aino ahuun niaifoan yoitiro “¡Aichoran! Min fasi shara huaran,” ishon yoitiromun? Ma. Afi tau huafaincai acama. Ahuun ifoan yonoa cuscan huaa.

Juan 13:4

Ascacufin piquin anaititan Jesús funinaca huan ahuun sahuuti pucatan ahuun turuitinin piracomuni.