Lucas 11:9 - Sharanahua: Diospan Tsain

⁹ Afanan ahuara futsa un mato yoiai cuscan nicacahuun. Ahuara yopaquin Upa Dios yocacahuun mato ashonon. Man yocain cuscan funaquima manasharacahuun nan Diosin mato ashoaitian. Ascacun Upa Dios cufifafaincahuun man cufiai cuscan mato inanon.

Lucas 11:9 Iomraidhean Croise

Salmos 27:4

Un niyoashu uhuun Ifoan pushu muran un ipai a oinpacushquin. Nanfin fasi sharacoinquin. Un shafatifi uhuun Ifo oinpai ahuun pushu muranshon oinquin ahuunoa shinanfafainshquin. Nan fusti un uhuun Ifo yocain ua ashonon.

Salmos 27:8

Ifon, uhuun nomuranshon min ua tsain yoiai cuscan un nicain, —Uqui ohuu un mi fu tsainon, —ishon mian yoiaiton un mia cuma isca huaquin, —Ifon, un miqui cai mi fu tsainshquin, —ishon un mia cumai.

Salmos 34:10

Asca yora ahuara ichapaya chipo afanan ahuara ichapa aya itiroma. Ascashu chipo nanfo fonaintirofo. Asca tsoan Ifo Diosi icoinra huaashufin ahuara sharafocai afanan tsoa yopapacunacama.

Salmos 34:4

Ascacun uhuun Ifo un cufian cuscan ua nicashara. Ua nicaquin uhuun ratufo ua potashoshquin. Ascainocai afanan ahuara chacafoqui un ratuima. Uhuun Ifon ua numa un afanan afoqui ratunonma.

Daniel 9:3

Nan tapishon un nocon Ifo Diosi cufian un yocai cuscan ua ashonon. Un cufinquin piqui tunufain uhuun sahuuti chocashta sahuufain un chii mapon mashpocomuni.

Mateo 21:22

Ascacun man icoinra huacoinshon ahuarashta man Upa Dios yocaiton mato ashotiroran, —ishon Jesús noco yoini.

Mateo 21:31

¿Ascan rato ahuun facu rafu nan apa yoia cuscacoin animun? —ishon Jesús ato yocaiton. —Nan iyoaran, —ishon cumaifoan. Afanan ato yoini, —Un mato icon yoi. Nan yora chacafo niaifo pui fishomisifo yafi ainfo furomafoanri ua icoinra huacanashu nanfo Diosin nantifi iquinai ano iqui tautirofo. Ascan mancai ari iquitiroma.

Mateo 6:29

Ascatama sharamishticoin foaicafo. Nocon shuni niaifo Salomón sahuuti sharashtacoin sahuufiapaonicai nan charo sharashtacoinfo cuscarama.

Marcos 11:24

Ascacun un afanan mato yoinon. Man icoinra huacoinshon ahuarashta man yocaiton Upa Diosin mato inantiro. Matonna inon.

Marcos 13:37

Un mato yoiai cuscan un nantifi yorafo yoi, “Itisharacahuun,” —ishon Jesús ato yoini.

Lucas 11:10

Tsoan Upa Dios yocariai fiishquin. Ascan tsoan ahuara shara fasi fuchipaiyai cuscan Diosin ato fuchimatiro. Ascan tsoanri Upa Dios cufiriaiton ashoshquin.

Juan 14:13

Ahuara uhuun anuhuunshon Uhuun Upa man yocaiton un mato ashotiro. Ascaiton yorafoan “Upa Dios shararan,” huanonfo.

Juan 15:16

Man ua catonyamafiaiton ufi un mato catoan ua cuscara man inon matohuunshon futsafoanri ua icoinra huanonfo. Nanfoan ua tanapacunacafo ufu ipashcaquin. Asca huaino man ahuarashta Upa Dios uhuun anuhuunshon yocaiton mato ashotiro.

Juan 15:7

Man ufu rafucoinshon uhuun tsain maton nomuran shinanfafainquin man ahuarashta cufia cuscan Upa Diosin mato ashotiro.

Juan 4:10

—Diosin mia inanpaiyai cuscan onanfain tapishonfin min ua unu yocacuanaquin. Na unun mia nimapacutiro, —Jesús huaiton.

Romanos 2:7

Nan tsoaran Diosin ato imapaiyai cuscan amisiton futsafo shara huafafaini tsain shara Upa Diosin atohuunoa yoisharaiton nicapaicani. Isca huaquin, —¡Aicho! Un mia yonoa cuscan min amisi. Un miqui unimai. Min ufu ipasharatiroran, —ishon nicapaicani. Afu ipashquin. Nan cuscarafo Upa Diosin aya ato imapacunaca.

2 Corintios 6:2

Nan Diosin tsain yoimisi Isaías ahuun tsain inonpacoai cuscan cunuquin isca huani, “‘Noco numahuu,’ ishon man ua yoia. Un mato nicafain un matohuun ramapaicai un mato numaran,” ishon Diosin yoini cuscan Isaías inonpacoai cuscan cununi. Ascacun nicasharacahuun. Diosin natian matohuun ramapaiquin. Cristohuunshon mato numanon. Natian nicasharacahuun.

Hebreos 11:6

Ascan non icoinra huayamaquicai non Dios unimamatiroma. Ratoran futsan Dios fu ipaicoinquin icoinra huatiro natian Dios nia. Ascashori tsoan fasi onanpaicoinquin icoinra huaiton naanfin aqui nocoaiton Dios fasi shara huashquiquin.

Hebreos 4:16

Ascacufin Diosiqui ranoquima non yoipaiyai cuscan non yoinon. Non yoiaiton Jesushuunshon Upa Diosin nocohuun ramapaicain noco ashoshquin.

Santiago 1:5

Ratoran man futsan man ahuashta tapishoma Dios yocacahuun mato tapimanon. —Ua fucashni huayamacahuun, —ishoncai mato Upa Diosin yoinacama. Man tapipaiyai cuscan nantifi unimacainrocon mato tapimashquin.

Santiago 5:15

Man icoinra huacoinshon isinincaifo man cufishonaino cayasharatiro muma shara itiro. Nanton chaca huamisicun Upa Diosin a caya huafain ahuun chaca soashotiro.

1 Juan 3:22

Non anori shinainfin Upa Diosin noco yonoai cuscan non aicain. Non ascaino nocoqui Upa Diosin unimatiro. Ascatan non yocai cuscan noco inantiro.

Apocalipsis 2:24

“Uhuun yoramishti Tiatira anoafoan mancai atirifiton nan ainfoan mato chaca yosipaiyai cuscan man tanamisima. Ascan nan ainfoan ahuun nomuran Satanás shinanchacamanai cuscan ahuun tanamisifo fustisi ato tapimamisi. Ascafia mancai anori tapipaimisima. Ascacun un mato yoisharapai. Ahuara futsacai un mato yonoima.