Lucas 10:42 - Sharanahua: Diospan Tsain

⁴² Uhuun tsain fusti shinanquin. Nan fusti yopaiquin. María ahuun nomuran uhuun tsain nanushon aquimashquimaran, —ishon Jesús yoini.

Lucas 10:42 Iomraidhean Croise

Salmos 27:4

Un niyoashu uhuun Ifoan pushu muran un ipai a oinpacushquin. Nanfin fasi sharacoinquin. Un shafatifi uhuun Ifo oinpai ahuun pushu muranshon oinquin ahuunoa shinanfafainshquin. Nan fusti un uhuun Ifo yocain ua ashonon.

Salmos 73:25

Min nai muran icano urifi un miqui nocopai mi fu ipashquin. Uncai tsoa futsa yopaima. Un mia fuchipaiyai cusca uncai ahua futsa nuno mai anoshon un fuchipaima.

Marcos 8:36

Ratoranfo manifoannati ahuunacoinfiano naanocai afanan ahuunacoin itiroma. Nantifi funocointiro. Niyoshon Diosin tsain tanatama imisishaquin. Ahuun nomuran omitsiscatiro.

Lucas 10:39

Ascano nan Marta chipocufin María iniquin. Nanton Jesús tsain yoiaiton nicashquin icashu Jesús naman tsaotoshini nicasharashquin.

Lucas 11:1

Ascano shafa futsa Apa cufiqui anaitiano afu rafua futsan yocani, —Ifon, raquirimun non Upa cufiqui huatiroquin. Noco tapimahuun. Juanpan afu rafuafo tapimani cuscan nocorifi tapimahuun, —ishon yoiaiton.

Lucas 12:20

Ascashon anori shinanfiaiton Diosin yoini, “Mincai ahua tapiama. Na yamutafin min naicain. ¿Min naanomun na min mucuafo ahuuscaiquin?”

Lucas 12:33

Maton mafo inanmitsacahuun ahuun rafanan pui fishon yora ahuuomafo inanshcaquin. Man ascaiton Diosin nan icanoshon mato ahuara sharacoinfo mucushoni. Nanfocai cuyopacunacama. Coroisin nanfo piquin chacana huayamainocai yomutsori ano iquitiroma ahuara mato fianshquin.

Lucas 16:2

Nicaquin cunashon yocani, “¿Ahuuscai uhuunafo min cushusharamisimamun? Natian min afanan uhuun niaifo patashari iquima. Asca nantifi uhuun cunufo ua nifiafo ati shara huashohuun. Ahuutimain ua nifiafoquin ua ismashquin,” ishon ahuun niaifoan yoini.

Lucas 16:25

Abraham cumani, “Upan, min shinainmamun min mai anoashu isharapaoni. Asca Lázarofin omitsiscapaoniquin. Asca natianfin Lázaro man isharaquin fasi unimasharacoinquin. Asca minfin natian fasi omitsiscaiquin.

Lucas 18:22

Afanan Jesús cumaquin, —Fustiricai min nicataima. Nan yoiqui isca huaa. Ahuarafo inanmitsashon ahuun rafanan pui fihuu ahuuomafo inanshquin. Min ascaitofin Upa Diosin nai muranshon mia ahuara sharacoin mucushoniquin. Asca huatan ua tanasharahuu, —ishon Jesús yoiaiton.

Lucas 8:18

Ascacun oinfain. Uhuun tsain nicasharacahuun. Tsoan uhuun tsain nicasharacoian paratamari Dioshuunoa tapisharatiro. Ascan tsoan uhuun tsain nicafiashu ascacoianma ascashu nan nicamisi cuscari funoshqui, —ishon Jesús ato yoini.

Juan 11:1

Ascatan nocofunu Lázaro isinin icai. Ahuun pushu Betania ano ini. Nan Lázaro isinin icaiton ahuun poi rafu María yafi iyoa Marta nannori inifo. Nan María Jesusqui motica murannoa ininti sharacapa Jesús tau pumancayan ocatan ahuun foon otucuru aniquin.

Juan 11:19

Nocon caifo Israelifo ichapa María yafi Marta icano funifo aton ointi shinanmasharashopai poi naano.

Juan 12:3

Piaifono María Jesusqui oano ahuun ininti shara moticaquinoa Jesús ahuun tau pumancaya ocani. Ocashon ahuun foon otucurani. Asca huaiton nan pushu murannoafoan nan ininti sharacoin shutunifo.

Juan 17:3

Mirus fusti min Diosincoin. Unfin Jesucristoquin nan mian nichini. Tsoan noco onancoianfin nipanacafoquin.

Juan 4:14

Ascafia tsoan na unu un ato ayamacai afanan nomipacunacama. Iconcoin na unu un inanquin a muran unu tsosi shara fuchoi cafiscai. Ayashu nan unuhuunoashu ipasharacointiro, —huaiton.

Juan 5:24

Un mato iconcoin yoinon. Tsoan uhuun tsain nicasharafain Upa Diosin ua nichini icoinra huafin Upa Dios fu ipasharapacunacaquin. Un nan cuscara yora onaintimaima. Afanancai Satanás ahuun yora itiroma. Omitsiscapatamarocon natian afi Upa Diosin ahuun yoracoinquin afu ipashquin.

Juan 6:27

Shinancapon. Manfin tushuhuunoasi shinanfafainicain. Nan tushu chacanatiro manmain cuyoifin. Ascan nan cuscara tushu fusti fuchipaiquimarocon nan cuscara futsafin unquin. Unfin Diospan Facuquin, un mato inantiro nancai fuchipaicahuun. Nan cuscara cuyopacunacama. Nan piashu man nipasharatiro. Uhuun Upa Diosin ua catoanshu uqui unimamisi. Matoquirifi ua nichini na tushu cuscara un mato inanon, —ishon ato yoiaiton.

1 Corintios 13:3

Nantifi un aya cuscan un ahuuomafo un inancoinfiaquicai un nan futsafo noiamashu nancai uhuuna ahuama. Un Diospan tsain shara yoiaiton nanscacun nicacasmacaquin ua coaifoanno un naafiashucai un futsafo noiyamashu nancai uhuuna ahuama. Un ipaitsi natiro.

Gálatas 5:6

Non foshqui rupa shatu iyamarai shatuama nanscara rafu. Afoancai nocon numatiroma Cristo cuscara non inon. Non Jesucristo icoinra huashon non futsafo noicointiro. Nan fusti non yopai.

Deuteronomio 30:19

Na shafatan un mato yoiai cusca nan nai murannoafo nocon Ifo Diosi fu icafoan nicaino yafi mai ano icafoanri nicaino un mato cayacafi yoiai cusca man catontiro man niisharatiro iyamarai man nai futsushquiai cusca man catontiro. Nocon Ifo Diosimain mato shara huashoshquin iyamarai mato chaca huashquicain. Natian uhuun yorafoan man niyoatian isharacahuun. Maton facufoya niisharacain nocon Ifo Diosi noicoinfain a nicasharafain a fu rafufafaincahuun. Nocon Ifo Diosihuunoashufin man niisharatiroquin. Upa Diosin nocon shunifo Abraham non Isaac non Jacob yoicoinni na mai shara ato inanshquin. Nocon Ifo Diosin matori na mai shara ano mato chai imasharashquinran, —ishon Moisés ato yoini.

Josué 24:15

Ascan man nocon Ifo Diosi tanapaiyamaquin catoncahuun tsoan oinmatimain man ipaicain. Unu Eufrates fari iquiaiquirinoa maton shunifoan dioscoinfoma aton oinmati ipaonifo. Ascano nan Amorreofoan aton dioscoinfoma man aton oinmati ipairaca. Nantian Amorreofo mai ano man ica. Ascacun catoncahuun rato diosmain matona itiroquin mato yoia cuscan man anon. Ascafia un non uhuun yorafoan non nocon Ifo Diosi fustiton noco yonoa cuscan non huairan, —ishon Josué Israelifo yoini.

Josué 24:22

Ascatan Josué afanan ato yoini isca huaquin, —Man yoia cuscan nocon Ifo Diosin man nican. Man yoia cuscan marifi man tapia. Ascacun nanscahuapacucahuun. Man yoimisi, “Nocon Ifo Diosin ahuun oinmatifin non iquicai noco yoiai cuscan non aquiran,” —ishon man yoia. Ascaiton cumanifo isca huaquin, —Icon. Nannori man non yoia nocon Ifo Diosi noco nicaino man non tapiaran, —ishon Israelifoan yoinifo.