Lucas 1:7 - Sharanahua: Diospan Tsain

⁷ Ascafiashu facuoma rafu. Zacarías anifo icaino ahuinri yoshafo toosma ini.

Lucas 1:7 Iomraidhean Croise

Génesis 17:17

Nanori huaiton nicain Abraham fuopacucahuani Dioshuunoa shinansharai. Ascafia ahuun nomurannoashu fasi shuchini. —¿Ahuuscashumun un afanan upa itiroquin? Unfin fasi anifoquin. Un cien fari aya. ¿Uhuun ahuinri noventa fari ayafiashon asca ahuuscashomun facu nanutiroquin?

Génesis 18:11

Ascafia Abraham anifo icaino ahuun ahuin Sara yoshafoshta afanan facu atiroma ini.

Génesis 25:21

Rebeca toosma ini. Ascacun Isaac Diosi cufinshoni facu nanunon. Nocon Ifo Diosin nicashon Rebeca facu nanumani.

Génesis 30:1

Ascan Raquel facu nanuyamacai iyoaqui sinacoinni. Ascashon funu yoini, —Ua facu nanumahuun. Mian facu nanumayamaino un naicai, —ishon funu yoini.

Lucas 1:5

Ascacun natian un nica cuscan un mia yoinon. Herodes Judea anoa niaifoatian nantianri Zacarías nocofunu shara nanno ini. Naanfin Aarón ahuun funaquin. Ascashu nannoa ahuun caifohuunshon Dios cufimisi ipaoni. Aarón ahuun funafo shoco ranan. Nan shoco futsafoan aton niaifo Abías. Nanrifi Zacarías ahuun niaifo ini. Nan Zacarías ahuin Isabel arifi Aarón funa.

Lucas 1:6

Ascashon nan rafutan Diosin tsain cununi cuscan nicasharacoinpaonifo. Nantifi Diosin yononi cuscan tanasharamisifo. Nan rafutan tanasharaifoan Diosin oinpaoni. Ascacucai tsoan ato ahuashta rafatiro ipaonima.

Lucas 1:8

Ascano Abías ahuun shocofo nan ahuun yorafohuunshon Dios cufimisifo ato yoini isca huaquin, —Manfin natian siete oshatan Dios cufiti pushu muranshon man yonoshonicai, —ishon ato yoini. Ascano nannori Zacarías atofu ini.

Romanos 4:19

Tapini anifoshtacoin cien fari aqui caa. Ahuin Sararifi noventa fari aqui caa afananricai facu nanutiroma. Ascan man tapifiashon Diosin yoiyoni cuscan icoinra huani. Icoinra huaa cuscacai afanan amaqui ipainima.

Hebreos 11:11

Diosin Abraham yoini isca huaquin, —Min ahuin Sarapan chipo furonanfacu nanushquin. Ahuunoashu min funafo ichaparasi iishquiran, —ishon yoini. Nannori yoifiano Abraham anifoshta ahuin yoshafoshta toosma ini. Ascacun Abraham ahuun nomuran shinanquin isca huani, —Upa Diosin ua yoiyoni cuscan ua ashoshquin. Nantonfin nan yoia cuscacoin huamisi, —ishon Abraham Dios icoinra huani. Ascashu ahuin Sarapan facu caianno Abraham facuya ini.

1 Samuel 1:2

Elcana ahuin rafuya ini. Aton anu rafu Ana yafi Penina. Nan Penina facuya ini. Ascano Ana toosma ini.