Lucas 1:68 - Sharanahua: Diospan Tsain

⁶⁸ “Uhuun caifo Israelifoan nocon Diosin fasi sharacoin. Nocoqui oa noco numashqui.

Lucas 1:68 Iomraidhean Croise

Génesis 24:27

Cufinquin isca huani, —Aicho, uhuun Ifo Diosin, min fasi shara. Min uhuun ifo Abraham yoimisi cuscan aa. Min ahuun ramapai. Mianri cushushara. Min nuno ua ihuua uhuun ifo Abraham ahuun yorafo un oinon, —ishon cufinni.

Génesis 9:26

Ascashon afanan Noé yoini isca huaquin, —Nocon Ifo Diosin, min fasi sharacoin. Mihuunoa nantifi yorafo yoisharapacunaca. Minfin Sempan Diosiquin. Sem cushusharahuu. Canaán funafo Sempan yonomatifo inonfo.

Salmos 130:8

Nan fustifin nocon Numamisiquin. Israelifo nan ahuun yorafo ato numa aqui chaca huamisi cuscan nantifi aton chaca soashona afanan ascara chacafo shinanonma.

Éxodo 4:31

Nan oincashon icoinracoin huanifo. Ahuun ushto Moisés Dioshuunshon yoini cusca Aarón ahuun caifo nan Israelifo tapimani. —Nocon Ifo Diosin mato fasi shinain. Man omitsiscai cusca nantifi man oian Diosin matohuun ramapairan, —ishon Aarón ato yoini. Ascaiton nicacashon nantian Diosi cufinnifo. Yoiquin isca huanifo, —Upa Diosin, minfin nocon Ifo sharaquin, —huanifo. Ascashon nantifiton ratoconun mai chachishon Diosihuunoa yoisharanifo.

Lucas 1:71

Ascashon yoiquin isca huani, ‘Un mato cushui. Nan mato noicasmamisifoan afanan mato ahuusca huanonfoma. Ascacun un mato Numamisi matoqui nichiran,’ ishon Diosin inon pacoai yoimisifohuunshon noco yoini.

Lucas 2:38

Ascano José yafi María Simeón fu tsaincaifoanno nantianari atoqui Ana oni. Oshon facu fuchitoshiquin yoini, —¡Aichoran! Upa Diosin, natian min facu min nocoqui nichian nocon Numamisi ipashanon, —ishon yoini. Ascashon nan facu oian cuscan Jerusalén anoafo nan manamisifo Anapan yoiqui isca huani, —Mun nocon Numamisi oincoian. Man nocoaran, —ishon ato yoipacuni.

Lucas 24:21

“Nancairocon nocon caifo Israelifo nocon Numamisi ipainonran,” non huamisi. Asca natian man naita shafa rafu non fusti man finoan.

Lucas 7:16

Ascaiton oincani yorafo fasi ratucoinnifo. Ratu nishmapacuquin Dios yoisharaqui isca huanifo, —Diosin tsain yoimisi noco muran Diosin nichian. Diosin ahuun yorafo ashoin oaran, —ishon yoinifo.

Efesios 1:3

Non Cristo ahuun yoracun Upa Dios icarishon a cuscara shara noco imano ahuun ahuara sharafoti nocori inanshquin. Ascano nocon Ifo Jesucristo Apa Dios non yoinon, —Upa Diosin min fasi sharacoin. Non mia aicho huairan, —ishon non yoinon.

Efesios 1:7

Jesús noco nashoni ahuun imi foyanan. Ascan nantorifi nocon chaca soashonano ahuunshon Upa Diosin noco rau huatiro non afu ipanon. Ascacun non tapitiro Upa Diosin fasi nocohuun ramapaicain noco shinanquin finacoinmisi.

Hebreos 9:12

Ascan Cristocai chashoanfo futan moipan facufoan aton imi Apa Dios icari fonima. Ascatamarocon afincoin noco nashoaintian ahuun imi foni. Ascanocai Upa Dios icari ahuashta chaca iquitiroma. Ascafia Cristo noco nashoin fustini nocon chaca soashoshquin non Apa Dios fu ipanon. Ascashucai afanan nanacama.

1 Pedro 1:3

Ascacun nocon Ifo Jesucristo Apa non aicho huapanon. Upa Diosin ahuun Furun Jesús mai murannoa funimani ahuunoashu nocon nomuran fiananan huai a cuscara funasharacoin non inon. Ascan ahuunoashu non nipai aqui non nocoaitian afu ipashquin.