Lucas 1:25 - Sharanahua: Diospan Tsain

²⁵ Ascashon Isabel shinanquin isca huani, —¡Aicho! Diosihuunshon uhuun funun ua facu nanumana. Diosin ua ashoan. Afin ua nanumapaiyaitian ua facu nanumana. Uhuun ramapaiquin. Asca natiancai afanan uhuunoa yorafoan yoitiroma isca huaquin, “Nacai facuyanacamaran,” ishocai yoitirofomaran, —ishon shinanni.

Lucas 1:25 Iomraidhean Croise

Génesis 25:21

Rebeca toosma ini. Ascacun Isaac Diosi cufinshoni facu nanunon. Nocon Ifo Diosin nicashon Rebeca facu nanumani.

Lucas 1:13

Ascafiaiton Diosin oinmatinin afu nai muran icaton yoini isca huaquin, —Ratuyamahuu, Zacarías. Min cufiainton Diosin man mia nica. Min ahuin Isabel chipo furonanfacu nanushquin. Ascan caincun min anuquin Juanran min huashquin.

Lucas 1:24

Ascashon chipo ahuinin facu nanuni. Ascashucai ahuun pushu murannoashu mucu fustiti oshu raqui caipainima.

Hebreos 11:11

Diosin Abraham yoini isca huaquin, —Min ahuin Sarapan chipo furonanfacu nanushquin. Ahuunoashu min funafo ichaparasi iishquiran, —ishon yoini. Nannori yoifiano Abraham anifoshta ahuin yoshafoshta toosma ini. Ascacun Abraham ahuun nomuran shinanquin isca huani, —Upa Diosin ua yoiyoni cuscan ua ashoshquin. Nantonfin nan yoia cuscacoin huamisi, —ishon Abraham Dios icoinra huani. Ascashu ahuin Sarapan facu caianno Abraham facuya ini.

1 Samuel 1:6

Ascano nan ahuin futsan Penina fasi Ana cashumutsama huapaoni. Yoiqui isca huapaoni, —¡Aicho! Unfin facuyaquin mincai facuyamaran, —ishon fasi cashumutsama huaquin fucash huapaoni. Ahuun no muran fasi shinanchacamapaoni.