Juan 7:18 - Sharanahua: Diospan Tsain

¹⁸ Tsoan ahuun nomuran shinain cuscan yosiquin nanton yorafo ahuunoa shinanmapai isca huaquin, “Na nocofunun fasi tapicoian. Afin fasi sharacoinquin,” ishon ahuunoa ato shinanmapai. Ascanfiatan uncai ascarama. Un mato yoiqui isca huai. “Nan uhuun Upa Dios ua nichini. Nancaifin fasi sharacaiquin.” Anori un mato yoimisi ahuunoa man shinansharanon. Nanscacufin man icoinra huatiroquin un mato iconcoin yoi un yorafocai paramisima.

Juan 7:18 Iomraidhean Croise

Números 11:29

Ascafiaiton Moisés Josué cumani, —¿Min shinan urus fusti un Diospan Yoshin Sharahuunshon yorafo yoipaimun? Ma. Nocon Ifo Diosin ahuun Yoshin Shara nantifi nocon caifoya rafumapainon ahuun tsain noco yoinonfo, —ishon Moisés cumani.

Mateo 6:9

Ascashon cufinquin isca huacahuun, “Nocon Upa nai murannoaton min fasi sharacoin. Nantififain mihuunoa yoisharapainon.

Juan 11:4

Jesús nicatan yoiquifin, —Nan Lázaro isinincaicain naimafinquin. Isinin icaifin yorafoan oicaniquin Dios sharacun. Unmain Diospan Facuquin un ahuamamishti huaiton tapicashon icoinra huanonfo, —ishon Jesús ato yoini.

Juan 12:28

Upan, Uhuunshon ato oinmahuu min fasi shara, —ishon Jesús yoini. Yoiaiton nai muranshon oi ashcafinin Apa Diosin cumani, —Un minhuunshon un ato ismafafaini un shara. Nanscarifi un afanan huai, —ishon yoini.

Juan 5:41

Un mato onancoian. Mancai maton nomuran man Upa Dios noima. Ascacun man uhuunoa shinansharai iyamarai man uhuunoa shinain chacafiainocai un shinainma.

Juan 8:54

—Unfincoin un uhuunoa yoisharainocai ahuama. Upa Diosin fustitofin uhuunoa yoisharamisiquin, “Nanfin nocon Uparan,” man huamisiquin.

1 Tesalonicenses 2:6

Noncai tsoa futsafo curafia huamapaipacunacama.

1 Pedro 4:11

Ascan ichananshon Diospan tsaincoin ato yoicahuun. Diosicoinchi yoicafisca huaquin. Ascan Diospan curushhuunshon futsafo shara huashocahuun. Ascacun nantififain Jesucristohuunshon Upa Dioshuunoa yoisharanonfo. Man ascaiton oinquin nantifi yorafoan yoitirofo isca huaquin, —¡Aicho! Upa Diosin fasi shara. Furun Jesucristohuunshon ahuamamishti huatiroran, —ishon yoishquicani. Nocon Ifo Jesucristo arus fusti shara huamisi. Nantocai ahuashta chaca huapanacama. Arus fusti ahuun curushhuunshon ahuamamishti huapanaca. Asca huapacuquicain ununacama. Nanscasi huapanaca.

1 Juan 2:29

Dios isharacoinmisi ahuashtacai chaca huamisima. Man man tapia. Tsoa isharamisi nanfin Upa Diosin imapacunacaquin ahuun facu inon. Nanri man tapia.