Juan 5:3 - Sharanahua: Diospan Tsain

^3-4 Nannori isinin imisifo ichaparasi racanifo. Fushofo non chatofo non yoratisho quicurushui futsuafori racanifo. Ascaino Diospan oinmati afu nai muran icaton nanno ian man facushta ano oi fustirasi ipaoni. Nanno nocoshon Diospan oinmatinin ianman facu fuchomapaoni. Nan ianman facushta fuchoai muran isinin icai futsa iqui tauashu cayapaoni. Ascan nantifi isinin imisifoan manaifono Diospan oinmatinin ian fuchomanaino ian muran iquitaunon.

Juan 5:3 Iomraidhean Croise

Mateo 15:30

Ascano yorahuanrasi aqui funifo. Fucaquin isinincaifo ihuunifo Jesús ato caya huanon. Isinincai futsa futsatapafo. Futsafo nipaiqui ranainfo ihuufain fushofo ihuufain ahuun caya mumamafo ihuufain tsaintiromafo ihuufain isinincai futsafori Jesusqui ihuunifo. Ascacun nantifi Jesús ato cayapacuni.

Mateo 4:24

Ascaiton Siria mai anoafoanri ahuunoa nicacashon isinincaifo aqui ihuunifo ato cayahuamapacunon. Ascashon isipaunun icaiton caya huamafain yoshin chaca atomaquinoa potafain nisofori caya huamafain yoratisho charishi futsuari caya huamapaoni. Nantifi ato caya huamapacuni.

Lucas 7:22

Ascashon nan Juanpan ato nichian rafu Jesús yoini, —Un acaiton man oian cuscan uhuunoa man nicai cuscan Juan yoitacahuun. Ascashon fushofo un caya huaa oinsharaifo cuscan yoifain pastocoinfori un caya huaa nicasharanonfo nanrifi yoifain ato yoratisho coyo cuscara tocoi futsuafori caya huafain yora nipaiqui ranainfori un ato caya huaa yoifain man nacoinnafori un ato funimana. Ascashon yora ahuuomafori tsain shara un ato yoifafainmisi ahuuscashumain Diosin niaifo fu ipatirofoquin, ishon un ato yoimisi.

Juan 5:2

Nanno chashoanfoan aton iquiti cunu ini. Nanno chaimashta ianman facushta ini. Cusumun pushu cahuan sharamishti mucu fustiti tsaoacuafo.

Romanos 8:25

Ascafia noco ihuiataima funaquinma non manasharayotiro.

Santiago 5:7

Uhuun yoramishtichin man omitsiscafiaquin tunuyocahuun nan nocon Ifo Jesús oaitian. Funayamacahuun. Natian un mato ahuara futsa yoipai. Mau fanashon ifoan funainquimashta manasharatiro nan funusharaitian. Oi pacutian manasharatiro funushonaitian.