Juan 4:22 - Sharanahua: Diospan Tsain

^22-24 Non ranishora cufiainocai non chipo ascaran shinainma. Na machi ano iyamarai Jerusalén anocai non ascainocai ahuama. Ahuuscashomain non Dios cuficain, nan Diosin tapipai. ¿Nocon nomuran non Dios cuficoinmun? ¿Ahuun Yoshin Sharahuunshon non Dios cuficoinmun? Nan Diosin nicacoinpai. Aafin Yoshin Sharaquin. Non Dios cuficoiainton ahuun Yoshin Shara fustiton noco tapimatiro non cufisharanon. Ahuun Yoshin Sharahuunshon non Upa Dios cufiaiton nanscara Upa Diosin fuchipai. Ascafiashu manfin Samaritanonfoquin cufipaifiaquicai nocon Upa Dios man tapisharafoma. Asca nonfin Israelifoquin non nocon Upa Dios tapicoian. Man non tapiari nan Numamisi arifi Israeli iishquin, —huaiton.

Juan 4:22 Iomraidhean Croise

Génesis 49:10

Min funafo futsan niaifo ipanaca. Futsan nocoataima futsafoan niaifo iishquicani. Nan futsa nocoano niaifo ano nantififain man nicasharashquin.

Hechos 17:23

Nuno man icano un cahuacacainquin mun oian man cufimisi anoshon man cunuquin isca huaa, “Dios futsa tsoancai onanmisima non cufipairan” ishon man cunua. Mancai nan Dios onanmisima. Ahuunoa natian un mato tapimaicain.

Hechos 17:30

Ascapaonifiashocai Dios onanmisifoma. Ascafiaifoan ato onaintimapaonima. Ascafia natian nantifi manifoti anoafo ato yonoa aton chaca shatushon icoinra huanonfo.

Hechos 3:26

Ascan ahuun Furun Jesús matoqui nichini ahuun oinmati inon. Matoqui nichiqui tau huani mato shara huanon maton chaca man cachiquiri huapanon, —ishon Pedronun ato yoini.

Romanos 11:18

Ihui fanacai ahuun tapomaisi nitiroma. Tsasitiro. Ihui fana ahuun poyanfo non ahuun tapohuunoashu nipatiro. Poyafoancai ahuun tapo nimatiroma. Nanscarifiai mancai Jesús nimapacutiroma. Nantocaifin mato nimapacutiroquin. —Noncai futsafo cuscarama. Nonfin Diospan yorafoquin, —iyamacahuun. Cacapaimisi iyamacahuun.