Juan 20:16 - Sharanahua: Diospan Tsain

¹⁶ Jesús, —Maria, —yoini. Ascaiton foisini foanquin oian nan Jesús ahuun fusocoincun. Israeli tsainman, —Rabuni, —huani.

Juan 20:16 Iomraidhean Croise

Génesis 22:1

Ascano chipo Diosin Abraham ahuara yoini man icoinra huacoinnamainquin oinshquin. Ascashon cunani, “¡Abraham!” huaiton. —Unfin nunoquin, Ifon, —ishon cumani.

Génesis 22:11

Ascafia samamashtacoin Diospan oinmati nan a fu nai muran icaton cunainifoanni, —¡Abraham! ¡Abraham! —huaiton. —Unfin nunoquin, —huaiton.

Génesis 45:12

Uhuun ushto Benjamín futan marifi man man oian uficoin un mato yoia.

Éxodo 3:4

Ascashu Moisés nan nii cuyamamishti shocoa chaimashta cani oinshquin. Ascano samamashta Moisés nan chii uruai murannoa Diosin ahuun oi nicani yoiquin isca huaiton, —Moisés, Moisés, —huaiton. —Unquian. Un nuno, —ishon Moisés cumani.

Éxodo 33:17

Ascaiton nocon Ifo Diosin Moisés cumani isca huaquin, —Minfin u fu rafumisiquin. Un miqui unimacoinni. Nanscacufin mian yoiai cusca icon un mia ashoicain, —ishon yoini.

Mateo 14:27

—Unqui. Ratuyamacahuun, —ishon Jesús noco yoini.

Marcos 10:51

—Un mia ahua ahuusca huashotiromun ua yoipaiquin ua yoihuu, —Jesús huani. Ascaiton cumani, —Tapimamisiton, un oinpai. Afanan un fusho ipaima, —huaiton.

Lucas 10:41

—Martashtan, minfin tushu fusti shinanquin. Ahuarafo futsa huaquicai mian nicaima. Nan uhuun tsain sharafin María catoanquin. Ua nicaquin.

Juan 1:38

Ascaiton Jesús ifiacucahuan ato oinquin yoini. —¿Ahua man funaimun? —ishon ato yocaiton. —¿Tapimamisiton, rani min iquimun? —huaifoan.

Juan 1:49

Ascaiton, —Tapimamisiton. Felipe ua yoia cuscan iconcoin. Minfin Diospan Furunquin. Nocon caifo Israelifo min nocon niaifoquin, —huaiton.

Juan 10:3

Caincaiti ano nocoaiton nan nocofunun caincaiti cushumisiton fupushotiro chashoan cushumisiton iquimapacunon. Ascan chashoan cushumisi iquiaiton ahuun chashoanfoan ahuun oi onanti huanifo. Nantifi ahuun chashoanfo anu futsapacuni. Aton anun cunapacuaino chashoanfoan mufainifo.

Juan 11:28

Yoitan Martan chipocun María yoicai cani. Nocoquin oian afu rafuafo María fu uaicaifoan oinquin Marta chipocun fusti mushannantan yoiquin, —Nocon tapimamisifin oaquin. Mia yoimana, —ishon yoini.

Juan 13:13

“Tapimamisiton,” huafain “Uhuun Ifon man ua huaaquin.” Iconquiquian. Unmainquifin.

Juan 20:28

Ascaiton Tomás cumaquin, —Minfin uhuun Ifoquin. Minfin uhuun Diosiquin, —huaiton.

Juan 3:2

Nantori Jesusqui yamu oshon yoini, —Tapimamisiton, non tapiafin Upa Diosin mia nichiniquin min noco tapimanon. Man nonfin tapiaquin tsoan atiroma cuscan min huaiton Dios fu rafuamatocai asca huatiroma cuscafin min huaaquin, —ishon yoini.

Juan 5:2

Nanno chashoanfoan aton iquiti cunu ini. Nanno chaimashta ianman facushta ini. Cusumun pushu cahuan sharamishti mucu fustiti tsaoacuafo.

Juan 6:25

Fuchicashon yoinifo, —¿Tapimamisiton, ahuutiancon min nuno nocoamun? —ishon yocanifo.

Hechos 10:3

Ascan shafa futsan fari nai pochinin racano oshashoma namapan cuscara Diospan oinmati afu nai muran ica aqui oaiton oinni, —Cornelion, —huaiton.

Hechos 9:4

Pacuquin ahuun oi nicani, —Saulo, Saulo, ¿Ahuuscaquimun mian omitsisca huaiquin? —huaiton.

1 Samuel 3:10

Ascano afanan nanscari huaquin nocon Ifo Diosin aqui oshon cunani, —¡Samuel! ¡Samuel! —huaiton, —Unquian min oinmati. Ua yoihuun un mia nicanon, —ishon cumani.

1 Samuel 3:6

Ascatan afanan nocon Ifon Diosin Samuel cunani, “¡Samuel!” huaino. Afanan funinacahuatan Elí racano cani. Ascatan afanan yoini, —Min ua cuna. ¿Ahua min yopaimun? —ishon yocaiton. —Uhuun facushtan, un mia cunama. Caashu afanan racatahuun, —Elí huani.