Juan 16:26 - Sharanahua: Diospan Tsain

^26-27 Man ua noi. Un Diosin ariashu matoqui oni man ua icoinra huamisi. Ascan Upa Diosin matori noicoin. Ascacufin un matomaquinoashu caitian un matohuunshon Upa yocainmacai mafincoin uhuun anuhuunshon Upa yocashquincahuun.

Juan 16:26 Iomraidhean Croise

Juan 14:16

Un Upa Dios yocain mato futsan nichishonon maton ointi fucash huanonma man isharanon. Maton tapimamisi inon. Amain Diosin Yoshin Sharashofin. Aafin iconmisiquin. Mato fu ipashquin. Icoinra huafoanmacai a onantirofoma. Ascarifi atacai ahuamain huaincai tapitirofoma. Ascan manfin onanmisiquin mato fumain icufin. Ascatari maton nomuran matofu rafui.

Juan 14:20

Un funiaiton man tapitiro unmain Upa Dios fu ipanacacufin. Ascarifi atan marifi man ufu icaquin. Urifi un matofu icaino.

Juan 16:19

Nanfohuunoa non yocapaiyainton Jesús onanni. Ascanshon noco yoini, —¿Un mato yoiai cuscan man tapiashma man yocanonaincain?

Juan 16:23

Un funiaitian un afanan matofu iyamano man afanan ahuara ua yocaima. Un mato icon yoinon. Uhuun anuhuunshon man Upa Diosin yocatiro. Ahuarashta uhuun anuhuunshon man Upa yocaiton mato inanshquin.

Juan 16:30

Natian man non tapia min nantifi tapicoian. Mia yocataima min rufofo onanyoi mia yocapaiyai cuscan. Ascacun min Dios ariashu onicun non mia icoinra huai, —ishon non yoiaiton.

Juan 17:19

Mian yoia cuscan mun atohuunshon aca afoanri ascarifi huanonfo.”

Juan 17:24

“Upan, nan mian inanfo un mifu icano un atorifi iquinpai un mifu ishara cuscan oinonfo. Non nan mai oni huataima min ua noicoinyopaoni. Ascan min yononi cuscan un mifu imisi nantifi min iquinon.”

Juan 17:9

Un mia ato cufishofafaini. Uncai a icoinra huafoma ato cufishonima. Nan mian inannifosihuunshon un mia cufifafaini. Un mia ato cufishofafaini nanfomain minafocufin.

Romanos 8:34

Jesucristo noco nashocun Apan funimani. Apa Dios icano ato nantifi iquinon. Natianri Upa Dios noco cufishofafaini. Nan iconcucain tsoan, —Min chaca huamisiquin. Asca omitsiscapanacafo muran mia potanon, —noco huatiroma.