Juan 14:21 - Sharanahua: Diospan Tsain

²¹ Un mato yonoa cuscan ua nicacoinshonfin ua fasi noicoinquin. Ua noicoiainton uhuun Upari ahuun noi. Ascaino urifi un ahuun noi. Un shinain cuscan u ato tapimairan, —ishon Jesús noco yoini.

Juan 14:21 Iomraidhean Croise

Éxodo 33:18

Ascano Moisés afanan nocon Ifo Diosi cufini isca huaquin, —Uhuun Ifon, min sharacoin un mia oinpaiyai cusca ua ismapun, —ishon cufini.

Lucas 11:28

Ascatan Jesús cumani, —Ai, nan min yoiai cuscan iconfiashu tsoan Diosin tsain nan nica cuscacoin Diosin nan unimamatiro finacoian, —ishon cumani.

Juan 14:15

Ua noifin un mato yonoai cuscan man aicai

Juan 14:18

Uncai matomaqui iquima. Un mato potacoinma. Un matoqui afanan nasoshquin.

Juan 15:14

Un mato yonoai cuscan man aifin ufu rafumisi man itiroquin.

Juan 16:14

Un yoiai cuscan Diospan Yoshin Shara mato tapimai uhuunshon man uhuunoa shinansharanon.

Juan 17:23

Min ufu icacainai cuscan urifi atofu icacaini. Ascan min ipaiyai cuscan nanscarafosi non shinantiro. Min ointi cuscarafosi non itiro. Nan oincaquin icoinra huamafoan tapitirofo mian nichinicun mian noia cuscarifi ua icoinra huafohuunri min fasi noicoin.”

2 Corintios 12:8

Ascacun un cufinquin isca huani, —Ifon, ua cayahuapun, —ishon un yocaquin rafu non fusti huani.

2 Corintios 3:18

Ascan noncai fufopomua cuscarama. Nocon Ifoan tsain non oinsharatiro. Nonfin fuisiti cuscarafoquin. Futsafoan noco oinquin nocon Ifo Jesús fasi shara ointirofo. Ahuun Yoshin Sharapan nocon nomuran noco iquifain nocorifi fiananan huaa non nocon Ifo cuscara shara non inon.

2 Corintios 4:6

Diosin shafa oni huataima yoiquin isca huani, —Faquishcun shafan inonran, —ishon yononi. Nanscarifiai non Jesús ifoantaimano nocon ointi nan faquish cuscara chaca ipaoni. Ascan Diosin Jesucristohuunshon nocon ointi muran chashamana non ahuunshon tapinon ahuu cuscara sharamainquin.

Deuteronomio 11:13

Ascano na shafata nocon Ifo Diosin mato yononi cusca un mato tapimana man nicasharafafainon. Man nocon Ifo Diosi maton ointi muranshon noifain maton nomuran man fasi noicoiaiton Diosin nan mai shara anoshon mato shara huashquin. Nantianri oi fumashquin nan oi fuaino mato fanafo foaisharanon. Maton fasi ushu foaisharacain maton uvafo foaiquin sharano ahuun unu ayafain nan olivofori foaisharano man shuni ichapaya itiro.

2 Tesalonicenses 2:16

Nocon Ifo Jesucriston futan nocon Upa Diosinri nocohuun noifain nocohuun ramapaiquin. Nocon nomuran noco unimapacunaca. Ascacun non tapitiro nococai potapacunacama non afu ipanon.

2 Timoteo 4:22

Nocon Ifo mifu icain. Mia shara huashofafainon mihuun ramapainon. Nanti. Pablo

1 Juan 2:5

Ascan ratoran yoran ahuun tsain nicacoinquifin Dios noicoinquin. Ascashofin tapitiroqui afu rafucoiain.

1 Juan 3:1

Upa Diosin nocohuun fasi noicoin. Nocohuun shinansharamisi. Ascanshon noco yoiquin isca huatiro, —Manfin uhuun facufoquin, —ishon yoitiro. ¡Aicho! Shinancapon. Iconcoin nonfin Diospan facufoquin. Ascafiashon icoinra huacoinyamashon Upa Dios onanmisifoma. Ascan non Diospan facufofiacun tapiafoma.

1 Juan 5:3

Upa Diosin noco yoia cuscan aquin non ahuunshon Dios noicointiro. Noco yonoa cuscacai curushma. Upa Dios noiashu noco yonoa cuscan non unimatiro.

2 Juan 1:6

Noco yononi cuscan non ahuun noicain non futsafohuunri noicoinnon. Man tau huaquin nicamisi cuscan noco yononi isca huaquin, —Shafatifi non noinanoncahuun, —ishon yoini.

Apocalipsis 2:17

“Ascacun man pafiquiyaquin Diosin Yoshin Sharapan nan icoinra huafo ato yoiai cuscan nicasharacahuun. Ascafia Satanás mato chaca huamapai. Tsoan ua cachiquiri huatama uhuunshon Satanás finoncoian nantonfin ua tanasharacoianquin. Ascacun un cushusharashquin. Un Israelifoan aton shunifo fariña cuscara fata shara nai muranshon shafatifi un ato niriashopaoni. Nan anuquin manánran huapaonifo. Ascan tsoancai tapipaonima ahuuscashomain un ato niriashoicain. Nanscarifi aqui un nan manán futsa cuscara un ato inanshquin nancai tsoan ointiroma. Nanfohuunshon un ato shara huapanaca. Ascatari tsoan chaca huatama ua tanafafainnaiton un ato toquiri osho sharashtacoin inanshquin. Tsoa futsacai nan anu onantiroma. Ascan nan toquiri fiafin ufu ipasharatiroquin,” —ishon Jesús nan icoinra huafo Pérgamo anoafo yoia.

Apocalipsis 22:14

Jerusalén funa muran iquishon nan nii ahuun fimi pipaiquin pitiro nipashquin. Nanscarifiai Upa Dios fu icaino arus fusti mato nimapacutiro. Nan ua icoinra huafo aton chaca soashona nanfo fusti uhuun Upa Diosin ato iquimatiro nofu ipanonfo.

Apocalipsis 3:20

Shinancapon uhuun yoramishtichin. Un matofu rafupaicoin un matoqui nocoa. Yora pushu muran iquipaiquin iquisi pushu ifo cunatiro iquimanon. Nanscarifiai un matoqui nocoa mato yoiquin isca huashquin, ‘Un mifu rafupairan,’ ishon un mato yoipacumisi. Ascano tsoan ahuun nomuranshon ua nicaquin ua yoiquin isca huai, ‘Ifon, uqui ohuu. Un mia fuchipaifain un mia yopacoinran,’ ishon yoiaino un afu rafui. Arifi ufu rafuaino.