Juan 12:42 - Sharanahua: Diospan Tsain

^42-43 Nocon caifo Israeli niaifofo atirifoan Jesús icoinra huayamafiaino atirifoan icoinra huanifo. Icoinra huafiacani Fariseofoqui musunifo. Fariseofoan yoinifo, —Tsoan Jesús icoinra huaicai nocon ichananti pushu muran afanan iquitiromaran, —ishon yoinifo. —¡Ohua! Jesús icoinra huaran non icaiton nocon ichananti pushu muranshon noco potashcani afanan atofu non ichanannonma, —ishon yoinifo. Ratucoinnifo. Ascacuncai non Jesús icoinra huaran inifoma. Upa Dios ato yoishara icai fuchipaitama atohuunoasi fuchipainifo.

Juan 12:42 Iomraidhean Croise

Mateo 10:32

Ascano yorafoan ointaifi, “Jesús uhuun Iforan,” ishon ato yoiafin uhuun Upa Dios nai muran icanoshori ahuun ointaifi, “Naafin uhuun yoraquin,” ishon un yoishquin.

Lucas 12:8

Ascano tsoan yorafoan ointaifi, “Jesús uhuun iforan,” ishon ato yoiafin uhuun Upa Diosin ahuun oinmatifoan afu nai muran icafoan ointaifi, “Naanfin uhuun yoraquin,” ishon un yoishquin.

Lucas 23:13

Ascacun Pilato afanan ato cunani. Nocon yorafohuunshon Dios cufimisi niaifofo yafi niaifofo futsafori ichanan huashquin.

Lucas 6:22

Futsafoan uhuunshon mato noicasmaquin mato potafain mato roafain matohuunoa tsain chaca yoicani. Nanscarifi nan Diosin tsain yoimisifo mato shunifo omitsisca huapaonifo. Ascan matori omitsisca huafiaifoanno chipo man Upa Diosqui nocoaitian fasi sharacoin mato inanshquin man afu ipanon. Ascacun unimacoincahuun, —huani.

Juan 11:45

Ascaiton a nocon caifo María fu rafuafoan oincaquifin Jesús icoinra huanifoquin.

Juan 16:2

Tapicahuun. Maton caifo nan ua icoinra huamafoan chipo yonoi man nocon ichananti pushu muran afanan iquinonma. Un mato icon yoinon. Chipo amaquiri shinancani isca huaquin, “Diosin apaiyai cuscan non huashonon. Non Jesús icoinra huafo rutunon,” ishon anori shinancani.

Juan 19:38

Ascano José Arimatea anoashu cainni nan Pilato ano cani, —Jesús ihui coyan iquinanmaquinoa un fotomapai mai huashquin —ishon Pilato yocani. Ascaiton, —Ahuu, —Pilato huani. Nan José Jesús icoinra huatanafiashocai tsoashta yoinima. Nocon caifo niaifofoqui musuquin ato yoipainima. Nan Nicodemo futan Josén Jesús ihui coyan iquinanmaquinoa fotomani mai huashcaquin. Nan Nicodemo arifi Jesusqui yamu oni yocaicain. Afi ininti shara ichapa treinta kilo cuana funi Jesús ahuun caya raishashquin funa payocononma. Nan ininti rafu osinan huani tuipa yafi ofucoin. Nan ininti ahuun anu rafu mirra yafi aloes.

Juan 3:2

Nantori Jesusqui yamu oshon yoini, —Tapimamisiton, non tapiafin Upa Diosin mia nichiniquin min noco tapimanon. Man nonfin tapiaquin tsoan atiroma cuscan min huaiton Dios fu rafuamatocai asca huatiroma cuscafin min huaaquin, —ishon yoini.

Juan 7:13

Ahuunoacai aton ointaifi yorafoan yoisharanifoma. Nocon niaifofoqui musucaquin oinomashta yoinannifo.

Juan 7:31

Nan yorahuanrasi Jerusalén anoafoan yoinifo, —Tsoa futsan atiroma cuscan Jesús Diosinhuunshon ahuamamishti shara noco isma. Nan nocofunun tsoan asca huatiroma cuscan huatiro. ¿Nocon Numamisi oshon finonmafain ashquimun? —ishon yoinifo. Ascan anori yoiaifoan icoinra huanifo.

Juan 9:22

Nocon niaifofoquin musucaquin anori yoinifo. —Tsoan “Diosin Jesús catonniran,” huacai nocon ichananti pushu muran afanan iquitirofomafinquin, —niaifofo icaiton nicai ahua yafi apa atoqui musunifo.

Juan 9:34

Nicacani fasi aqui sinanifo, —Minfin chacacoin cainiquin. ¿Ascan ahuuscaquimun min noco tapimapaicain? Min chacashunifiashon. Nocon ichananti pushu muran min afanan iquitiroma. Nunoashu cariscatahuun. Noncaicon mia afanan oinpaiyaintonfin. Afanan nuno iquicuranyamahuun, —huanifo.

Hechos 5:41

Atomaqui focatan —¡Aicho! Upa Diosin nocoqui shinansharaquin non Jesushuunoashu non omitsisca. Ahuunshon niaifofoan nocohuunoa shinanchacaran, —icashu unimanifo.

Romanos 10:10

Ascan maton nomuranshon man icoinra huacun Upa Diosin maton chaca soashotiro man isharanon. Man futsafo, —Jesucristo uhuun Iforan —ishon yoiaiton mato imapacunaca.

1 Juan 4:15

Ascan tsoan yoiquin isca huai, —Jesusfin Diospan Furunquin, —huafin Upa Diosin afu ipanacaquin. Ascarifiai Upa Dios fu ipatiroquin.

1 Juan 4:2

Ascan tsoan yoiquin isca huaquin, —Jesucristo nan Diospan Furun Apa ariashu mai ano oni nocofunucoin ishquin, —ishon mato anori yoiaiton Diospan Yoshin Sharahuunshon mato yoiaiton man tapitiro.