Juan 12:13 - Sharanahua: Diospan Tsain

¹³ Upufo ya aqui fucaquin oi ashcafinin isca huanifo, ¡Aicho! Nocon Numamisi oiquin. Nonfin Israelifoquin. Minfin nocon niaifoquin. Nocon Ifo Diosin mia nocoqui nichini. Min fasi sharacoin. Upa Diosin mia shara huapapainonran ishon yoinifoquin.

Juan 12:13 Iomraidhean Croise

Mateo 23:39

Ascacucai man ua afanan oinnacama nan Diosin matoqui nichian un nai murannoashu oaitian. Man yoiqui isca huaino, “Dios nocoqui nichian fasi shara finacaia. Upa Diosin a shara huapanacaran,” ishon man uhuunoa yoishquin, —ishon Jesús ato yoini ahuunoa.

Mateo 27:42

Ascashon yoinifo, —Nanton futsafo numafiatiroshaquin aficai numatiroma. Ascan minmain Israelifoan aton niaifoquin ihui coyan iquinanmaquinoashu fotohuu. Min ascaiton oinquifin non mia icoinra huaicain, —ishon roanifo.

Juan 1:49

Ascaiton, —Tapimamisiton. Felipe ua yoia cuscan iconcoin. Minfin Diospan Furunquin. Nocon caifo Israelifo min nocon niaifoquin, —huaiton.

Juan 12:14

Nannori yoiaifono Jesús burro cahuashara camaqui tsaoinacahuatan cani. Diosin tsain yoini cuscain iscani, “Jerusalén ano icafoan ratuyamacahuun. Maton Niaifo matoqui oshquiquin. Burro cahuashara camaqui matoqui oshquiran,” ishon cunuyoni cuscan.

Juan 19:15

Ascafiaiton, —Iyoshon mastatahuun nanon. Ihui coyan iquinanquin mastahuun, —oi ashcafinin huaifoan. —¿Iconmun unmun maton niaifo mastaicai? ¿Manmun mastanpaicai? —Pilaton ato huaiton. —Cesari fustifin nocon niaifoquin. Nocon niaifo futsa yamai, —ishon nocon yorafohuunshon Dios cufimisi niaifofoan yoinifo.

Apocalipsis 15:3

Aton arpa tsomacashon Diospan oinmati Moisés yafi Jesús nan chashoanun facu cahuanshara cuscara fanainmisi cuscan atorifi nannori fanaincani isca huaquin, “Ifon, mincaifin Diosiquin. Min ahuamamishti atiro. Min amisi cuscan sharacoin. Tsoan futsacai atiroma. Min manifoti nantifi aton niaifocoin ipanaca. Min shinanmisi cuscan cayacafi iconcoin.

Apocalipsis 19:16

Jesús ahuun anu futsan ahuun sahuuti chainipa mananquirinoa yafi maiquirinoahuun cunua isca huaa, niaifofo manifoti aton niaifocoin anufain ifoafo manifotiton aton ifocoinran ishon cunua.

Apocalipsis 7:9

Ascatan Upa Diosin yafi Furun nan chashoanun facu cahuanshara cuscara tsaoano yorahuanrasi niafo tsoancai ato tanan huatiroma. Nan maifoti anoafo manifotifain sahuuti oshopa chainipa sahuucashon upu tsomafo.