Juan 1:6 - Sharanahua: Diospan Tsain

^6-7 Ascano Upa Diosin Juan nichini Jesucristohuunoa yorafo yoinon. —Jesushuunoashu yorafo Dios fu ipatiro. Upa Diosin mato tapimapaiyai cuscan Jesushuunshon mato tapimatiroran, —ishon Juanpan ato yoini. Nannori ato yoini icoinra huanonfo.

Juan 1:6 Iomraidhean Croise

Mateo 11:10

Ascacun nanhuunoa Diosin tsain cununi isca huaquin, “Min nai ariashu mai ano fotoataima iquisi uhuun tsain yoimisi un nichiqui tau huai. Mihuunoa ato yoiaino itisharashon mia nicanonfo,” ishon cununi.

Lucas 1:13

Ascafiaiton Diosin oinmatinin afu nai muran icaton yoini isca huaquin, —Ratuyamahuu, Zacarías. Min cufiainton Diosin man mia nica. Min ahuin Isabel chipo furonanfacu nanushquin. Ascan caincun min anuquin Juanran min huashquin.

Lucas 1:76

Ascashon ahuun facu yomushtafiacun pushcoashu ishquiai cuscan yoiqui isca huani, “Uhuun facushtan, ‘Mirifi min Diosin tsain yoishomisiran,’ mia huaashquicani. Diosin nai murannoaton ahuun Yoshin Sharahuunshon ishquiai cuscan min ato yoifoanfafainquin isca huashquin. ‘Nocon Ifo oshquiquin itisharacahuun. Maton chacari shatucahuun a nocoaiton nicasharashcaquin.

Juan 1:33

Un onantaima Upa Diosin ua yoia isca huaquin, “Tsoan ua icoinra huaifo min unu muran iquimapacutiro. Futsa miqui oaino uhuun Yoshin Shara nan nocofunuhuun nuupacucahuashquin. A fu nitushquin. Nan oinquin min tapitiro uhuun Yoshin Shara matoya rafumashquin ahuun shinanshara maton nomuran shinanmaniran,” ishon ua yoia. Upa Diosin ua anori yoiyamacucai Jesús nan Diospan Furun urifi un onancuanama.

Juan 3:28

Uncai Cristoma. Upa Diosin ua yonoa un Cristohuunoa yorafo tapimanon aton chaca shatunonfo Cristo nocoaiton icoinra huashquin. Nannori un mato yoiaiton man nicamisi.

Hechos 13:24

Jesús nocon caifo Diosin tsain yoiataima Juanpan noco caifoti yoini isca huani, “Maton chaca shatucahuun. Ascano un mato unu muran iquimanon,” ishon ato yoini.