Génesis 7:4 - Sharanahua: Diospan Tsain

⁴ Unfin siete osha finontan un oihuanrasi fumai. Cuarenta osha oinhuan rasi fuicai funa nusuima. Ascano nan un oni hua cuscan nantifi un namaqui cuyoiran, —ishon Diosin Noé yoini.

Génesis 7:4 Iomraidhean Croise

Génesis 6:17

Min anaitiano un oihuanrasi fumai faitahuanun nantifi maitio fuponon. Ascaino nantifi mai anoafo nai futsucani.

Génesis 6:3

Ascafia nocon Ifo Dios yoiqui isca huani, —Un yorafo oiancai sharama. Ascacucai un ato afanan chai nimapacunacama. Uhuun Yoshin Sharapan ato shinanmasharapaifiaino chaca huariacani. Ascacuncai un ato chai nimapacunacama. Ciento veinte fari fustiton nitirofoquin, —ishon Dios yoini.

Génesis 6:7

Ascashon nocon Ifo Diosin yoiqui isca huani, —¡Ohuashta! Un yorafo oni huafian man chaca huaifohuunshon uhuun nomuran un isincoin mui. Ascacun nantifi yorafo mai ano icafo un ato cuyocoin. Nantifi yorafo cuyofain yoinafo cuyofain yoina naman sharaifori cuyofain puiyafori un cuyoshquiran, —ishon nocon Ifo Diosin yoini.

Génesis 7:10

Siete osha finontan oihuanrasi fui tauni nan maitio.

Génesis 7:12

Ascashu cuarenta oshatan oihuanrasi fuicai. Nusunima.

Génesis 7:17

Ascano cuarenta oshatan fasi oihuanrasi fuaino faitahuan fasi yosiriani. Ascaino shashohuan mai anoashu fasi cuya nononi.

Génesis 7:3

Ascashon nanscarifi huaquin puiya futsa futsatapafo siete ahuinfo non siete funufori iquimahuu. Asca huashon faitahua nashaitian afanan yoinafo yafi inafo non puiyafori ichapa caishcani.

Génesis 8:10

Asca huashon Noé siete oshatan afanan manani. Ascashon afanan ruhuin nichini.

Génesis 8:12

Ascashon afanan siete osha finontan ruhuin nichini. Nichianocai ruhuin afanan aqui nasonima.

Génesis 8:2

Nantiancai unu afanan yosinima. Afananricai mai murannoashu unu chinonima. Nai murannoashuri oi funima.

Apocalipsis 3:5

“Ratoran futsafori maton cuscara uhuun tsain cachiquiri huatama ua tanasharafain uhuunshon Satanás finoncoincun nanfofin unfu isharapacunacafo. Ascashu ua cuscara shara iishcani. Nanforifi un ato sahuuti oshopa sharashtacoin inanshquin ufu ipanonfo. Ascan Uhuun Upa Diosin nan ua icoinra huafoti aton anufo man libro muran cunua nantififain tapinonfo ufu ipashquiaifo. Ascan nanfo fusti afu nipatirofo. Asacashocai un aton anu soapacunacama. Uhuun Upa Diosin futan ahuun oinmati afu nai muran icafoan ointaifi un ato yoishquin isca huaquin, ‘Nafofin uhuun yoracoinfoquin,’ ishon un ato yoishquin.