Génesis 4:2 - Sharanahua: Diospan Tsain

² Ascan afanan chipo facu nanuni. Naan caincuri anuni, Abel. Naan Caín ahuun ushto. Nan Abel pushcohuaitian chashoanfo cushumisi ini. Ascan ahuun ochi Caín mau yonomisi ini.

Génesis 4:2 Iomraidhean Croise

Génesis 3:23

Ascashon nocon Ifo Diosin Adán yafi Eva nan mau Edén anoshon mai futsa nichini anoshon mau huanon.

Génesis 37:13

Ascashon Israel José yoini isca huaquin, —Upashtan, man min tapia min ochifo Siquem chaimashta nocon chashoanfo fasi funununshon ato pimai. Natian un mia ato ano nichin, —huaiton. —Un catiroran, —ishon José apa cumani.

Génesis 4:1

Ascano nan nocofunu Adán ahuinin Eva facu nanuqui tau huani. Ascashu furonanfacu cainni. Caíncun anuni, “Caínran,” huani. Ascashon Evapan yoini, —Natian un furonanfacuya. Nocon Ifoan ua inanran, —ishon yoini.

Génesis 4:3

Chipori iyoa Caín nan yonofo fana cuscan nocon Ifo Diosi inanni.

Génesis 47:3

Ascano Faraón ato yocani, —¿Ahua man yonomisimun? —ishon ato yocaiton. Cumanifo, —Niaifon, nocon shunifo yonopaoni cuscan norifin non chashoan cushumisi.

Génesis 9:20

Ascashon Noé mau huasho nan fimi uva ichapa fanani.

Salmos 127:3

Nocon Ifo Diosifin noco facufo inanquin noco shara huashquin.

Éxodo 3:1

Ascano nantian Moisés ahuun raisi Jetro ahuun caifohuunshon Diosi cufinmisiton ahuun chashoanfo cushushopaoni. Fasi chaicoincushon tsoa istaipama ano ahuun raisin chashoanfo iyoni. Nanno machi cuyacoin Diospan ahuun machiran ishon anumisifo. Ahuun anu futsari Horeb huanifo.

Lucas 11:50

Ascan nan icon un mato yoi. Nantifi Diosin tsain yoimisifo ato rutupaonifo nan Diosin ato onihuaqui tau huanitian yafi natian. Ascacun atohuunshon Diosin matoqui nutashquin. Nan Abel rutuqui tau huafain ahuun unutaqui Zacarías nan Dios fu tsainti pushu muranshon cufiti chaimashon man rutunifo. Ascashon nantifi Diospan yorafo chaca huapaonifo cuscan natian man niyoano matoqui nutashon mato omitsisca huaqui finacoinshqui.

Juan 8:44

Nanfin maton upa Satanasquin. Ascan maton upan apaiyai cuscan marifi man huapaiquin. Aafin taui rutumitsamisi ipaoniquin. Iconcai yoimisima. Atocai ahuara icon yoimisima. Ahuun nomuran chani fusti shinantiro. Nanscashori chani fusti yoitiro. Afin chanimisicoinquin. Chanimisifoan aton apacoin.

1 Juan 3:10

Ascan ratofomain Diospan facufo iyamarai Satanás ahuun yorafoquin non tapitiro. Tsoa Diosin yoia cuscan aimacai ahuun facu itiroma. Tsoan futsafo noiamacai arifi Diospan facu itiroma.

1 Juan 3:12

Caín cuscara iyamacahuun. Cainfin Satanás yora iniquin. Chipocu isharamisicun afi ascayamaquin chipocu rutuni.