Génesis 34:2 - Sharanahua: Diospan Tsain

² Nannoa pushcohuai ahuun anu Siquem. Nan Hamor ahuun facu. Nan Hamor ahuun caifo Heveofo aton niaifo ini. Siquem Dina fuchitan achifain ahuun pushu muran iyoashu a fu ini.

Génesis 34:2 Iomraidhean Croise

Génesis 10:17

Heveofo icain Araceofo icain Sineofo icain

Génesis 20:2

Nannoshon Abraham ahuun ahuin Sarahuunoa yoiqui isca huani, —Nan uhuun chicoran, —ishon nannoafo yoini. Ascan nan Gerar anoa niaifo Abimelec nicaqui futsa nichini Sara ihuishotanon.

Génesis 33:19

Ascano Jacob Hamor ahuun facufona mai fini. Cien toro chicoin fini. Nan Hamor ahuun facu Siquem. Nanno Jacob pano pushu huani.

Génesis 34:27

Ascano Jacob ahuun facu futsafoan pushu rasi ano nocoquin oianfo nantifi nocofunufosi man nai futsuafo ini. Ascatan aton pushu muran iquishon aton mafofo finifo. —Nocon shafo Siquem chaca huano non aton ahuarafo onutiroran, —ishon shinannifo.

Génesis 34:3

Fasi fuchipaicoin fiishquin. Ascashon yoini, —Un mi fu fiananpaicoin. Un minhuun noi. Un mia shara huafain un mia cushusharairan, —ishon yoini.

Génesis 34:30

Ascan Jacob ahuun facu rafu Simeón yafi Leví yoini, —Man ua fasi chacacoin hua. Nan Cananeofo futan Ferezeofoan natian ua noicasmacani. Uqui osinancani ua rutushcaquin. Noncai yora ichapama noco rutuquin finacoincaniran, —ishon Jacob ato yoini.

2 Samuel 11:2

Yatashtacoin David ahuun racati anoashu funicaini pushu fomancaya sapacoin camaqui cahuancacaini ainfo fasi sharashtacoin nashiaiton oinni. Na ainfo ahuun imishupucumisitian imi shatuano nocon Ifo Diosin Israeli yononi cuscan nashini. David oinshon ahuun oinmati nichini nan ainfohuunoa tapimanon. Ascaino ahuun oinmatinin ainfo icanoashu nasoshon yoini isca huaquin, —Na ainfo ahuun anu Betsabé Eliam facu. Ahuun funu Hitita ahuun anu Uríasran, —ishon yoiaiton David ahuun oinmati cumani isca huaquin, —Betsabé pushu ano catahuun ua ihuushoshquin, —ishon yononi. Ascano aqui nocoashu a fu oshani. Iyoconaino ahuun pushu ano nasoni.

Mateo 5:28

Aafin iconquin. Ascarifi un mato yoirifi huai. Tsoa ainfo ahuun ahuinma oinquin ahuun nomuran shinain, “Un nan ainfo chotapainonran,” ishon nannori shinanquin a chotacoin shinantsai.