Génesis 26:7 - Sharanahua: Diospan Tsain

⁷ Nannoshon yocanifo, —¿Na ainfo sharashta min ahuamun? —huaifoan. Atoqui ratuqui, —Uhuun chicoran, —ishon ato yoini. —Sharashta oincaquin ahuun rafanan ua rututiroforan, —ishon Isaac ahuun nomuran shinanquin ato fomanni.

Génesis 26:7 Iomraidhean Croise

Génesis 12:11

Ascan Abram Egipto ano nocoataima iquisi ahuun ahuin yosini isca huaquin, —Manshtan, mun tapia min fasi sharashtacoin. Ascan Egipciofoan mia oinqui yoishquicani isca huaqui, “Non Abram rutunon ahuun ahuin fiinshquin,” ishon yoishcani. Ascacun Egipto ano non nocoaitian ato yoiquin isca huahuu, “Abramfin uhuun ochiquin,” ato huahuu. Min anori ato yoiaiton mihuunshon ua rututamarocon ua shara huatiroforan, —ishon Abram ahuin yoini.

Génesis 12:15

Ascan Egipcio niaifo Faraón ahuun yonomatifoan Sarai oincashon Faraón yoinifo isca huaquin, —Niaifo Faraón, non ainfo oian fasi sharashtacoin, —ishon yoinifo. Ascan Faraón pushu muran Sarai iyonifo.

Génesis 20:11

Ascashon Abraham cumani, —Un shinanquin isca huaita, “Nunoashucai tsoa Diosqui ratuima. Ahuunoacai shinanfoma. Ascan uhuun ahuin fu ipaiyaifoan ua rutushcani,” ishon un shinan.

Génesis 20:2

Nannoshon Abraham ahuun ahuin Sarahuunoa yoiqui isca huani, —Nan uhuun chicoran, —ishon nannoafo yoini. Ascan nan Gerar anoa niaifo Abimelec nicaqui futsa nichini Sara ihuishotanon.

Génesis 20:5

Asca Abraham ua yoia isca huaquin, “Nan Sara uhuun chicoran,” ua huaa. Nanscarifi huaquin Sarapan yoia, “Nan Abraham uhuun ochiran,” ua huaa. Asca uncai ascara chaca shinanshon fiama. ¿Asca ahuuscashomun un tapitiroquin Abraham ahuun funu? —huaiton.

Génesis 24:16

Nan shomaya sharashtacoin nocofunu fu imisima. Nan chitun ano caa ahuun cuti fospihuashu afanan nasoa.

Génesis 26:6

Nannori Diosin yoiaiton nicatan Isaac Gerar mai ano nituyoni.

Génesis 26:8

Ascashu nanno iyopaoni. Nannoshon niaifoan Abimelec pushu shoi cumupisho oinni Isaac ahuin rashoninpacufoafafainaiton.

Génesis 29:17

Lea furo chacaya ini. Nan Raquel fasi sharashta finacaiya ini.

Mateo 10:28

Ascasho mato rutupaifiaifoanno ratuyamacahuun. Mato rutufiatirofocai maton yoshin tsoan ahuusca huatiroma. Ascacun atoqui ratucaquimarocon Dios fustiqui musucahuun. Nantofin noco rutufain nocon yoshin omitsiscapanacafo muran potatiroquin.

Efesios 5:25

Ascan nocofunufoan maton ahuinhuun noicoincahuun. Cristo noco noiai cuscan huafain maton ahuinhuunri noicoincahuun. Non icoinra huafoti nocohuun noicoin Criston omitsiscacain noco nashoni nocon chaca soashoshquin ahuun yorafo non inon. Non ahuun tsain icoinra huaiton noco catonni nan chaca huayomisima cuscara noco imashquin.

Colosenses 3:9

Man chaca huapaoni cuscan man man potacoian. Ascashu paranonanyamacahuun.