Génesis 26:22 - Sharanahua: Diospan Tsain

²² Ascan Isaac yafi ahuun oinmatifo mai futsa ari tuquinifo nanno afanan pozo futsa poquinonfo. Nannoashucai tsoa afanan ato fu fochishmanantanannifoma pozo fiishcaquin. Ascan Isaac yoini, —Aicho. Natian nocon Ifo Diosin noco mai shara inan non nuno isharanon. Ascan nan pozo anuni Rehobot. “Nuno non isharatiroran,” —ishon anuni.

Génesis 26:22 Iomraidhean Croise

Génesis 17:6

Ascashu min funafori fasi ichaparasi iishquicani. Ascano atohuunoashu mani futsa futsatapafo iishquin. Min funafohuunoashuri niaifofo iishquicani.

Génesis 26:21

Ascan Isaac oinmatifoan pozo futsa pozonifo. Ascafiashu afanan Gerar anoafoan ato potapainifo aton pozoa fiishcaquin. Ascashu afanan achinannifo. Ascan Isaac nan pozo anuni Sitna. —Noco noicasmamisiforan, —ishon anuni.

Génesis 28:3

Diosin ahuamamishti huatiroshaquin mia cushusharai min funafo ichaparasi cainonfo. Mihuunoashu manifoti ichapa cainonfo.

Génesis 41:52

Ascano chipocun cainyaitian José yoini isca huaquin, —Un nuno Egipcio ano omitsiscafiaiton Diosin ua facufo inan. Ascan uhuun facu chipocuton anu Efraín itiroran, —ishon yoini.

Éxodo 1:7

Ascafiani aton funafo ichaparasi cainnifo. Egipto mai anoafo Israelifo ichapacoin ipaonifo.