Génesis 24:12 - Sharanahua: Diospan Tsain

¹² Ascano Abraham ahuun oinmatinin Upa Dios cufinquin isca huani, —Nocon Ifo Diosin min uhuun ifo Abraham ahuun Diosi. Na shafata ua ashopun uhuun ifo Abraham ua yonoa cuscan un ashonon. Uhuun ifo Abrahamhuun ramapaihuun shara huahuu.

Génesis 24:12 Iomraidhean Croise

Génesis 15:1

Ascashon chipo nocon Ifo Diosin Abram ahuun namapa cuscara yoiquin isca huani, —Abram, ratuyamahuun. Un mia cushui mia ahuusca huanonfoma. Unfin mia fasi shara huaiquin, —ishon yoiaiton.

Génesis 24:21

Oinmatinin oinfiaicai puusinima. Tapipai nan shomaya nocon Ifo Diosin nichiamainquin ahuun ifon facu ahuin inon.

Génesis 24:27

Cufinquin isca huani, —Aicho, uhuun Ifo Diosin, min fasi shara. Min uhuun ifo Abraham yoimisi cuscan aa. Min ahuun ramapai. Mianri cushushara. Min nuno ua ihuua uhuun ifo Abraham ahuun yorafo un oinon, —ishon cufinni.

Génesis 24:42

Ascan na shafata un pozon ano nocotan un Upa Diosi cufian, “Uhuun Ifo Diosin, min uhuun Ifo. Minfin Abraham ahuun Diosiriquin. Abraham ua nichian ahuun facu ahuin un iyoshonon. Ua tapimashara un nanscahuanon.

Génesis 24:48

Ascatan ratoconun mai chachishon un nocon Ifo Diosi cufian, Un aicho huaa. Aafin uhuun ifo Abraham ahuun Ifo Diosiquin. Uarifi fai sharatan nocon Ifo Diosin ua iyoa Abraham ahuun shota un fuchinon Isaac ahuun ahuin inon. Nannori nocon Ifo Diosin ua yonoa.

Génesis 26:24

Na yamu nocon Ifo Diosin aqui nocoshon yoini isca huaquin, —Unfin min upa Abraham ahuun Diosiquin. Ratuyamahuun. Un mi fu icaquin. Uhuun oinmati Abrahamhuunshon un mia shara huashoi. Un mia min funafo ichaparasi inainran, —ishon nocon Ifon Diosin Isaac yoini.

Génesis 27:10

Ascan un pichano nan faatian upa foshotahuun pinon. Ascan upa inainshara cuscan ochi inantaimarocon nataima mia inainran, —huaiton.

Génesis 27:20

—¿Ahuuscashumun samamashta min yoinaqui nocoriscaquin? —ishon yocaiton. —Min Ifo Diosin ua ashoa samamashta un fuchinon, —huaiton.

Génesis 28:13

Paiti amanaonri nocon Ifo Diosin nia oinni. Nocon Ifoan yoini, —Unfin min Ifoquin. Min shota Abraham yafi min upa Isaac un aton Diosin. Na min mai oshanoa un mia inanfain min funafori inanshquin.

Génesis 31:42

Uhuun upa Isaac yafi uhuun shota Abraham aton Diosi u fu iyamacun mian maisi nichi cuana. Ascafiaiton un omitsiscai cuscan uhuun Diosin ua oian. Un mia curushcain yonoshona cuscan oian. Ascacun min namapan Diosin mia yoia mian chaca huanonma, —ishon yoiaiton.

Génesis 32:10

Un ahuara shara hua rafanancai mian shara huama. Mian yoia cuscan min acoinna. Uhuun upa mai ariashu un unu Jordán pocufuranitiancai un ahua ya inima. Natian un yora shoco rafu aya.

Génesis 32:9

Chipo Upa Dios cufinni isca huaquin, —Uhuun Ifo Diosin, uhuun shota Abraham yafi uhuun upa Isaac min aton Diosiri. Uhuun raisi mai anoashu un cataima mian yoia, “Mia ichapa inainran,” mian huani.

Génesis 43:14

Nocon Upa Diosin ahuamamishti huatiro. Nanton nan nocofunu ahuun ointaifin matohuun ramapaiquin mato yora futsa non mato ushtori afanan matoya nichinon man afanan uqui nasosharanon. Ascafia afanan nan niaifoan uhuun facu umaqui pashcaiton uncai ahuusca huatiromaran, —ishon Jacob ahuun facufo yoini.

Salmos 127:1

Nocon Ifo Diosin pushu oni huayamaino pushu yonomisifo ipaitsi yonotirofo. Nocon Ifo Diosin pushu rasi cushuyamaino pushu cushumisifori ipaitsi cushutirofo.

Salmos 37:5

Nocon Ifo Diosi yoicahuun isca huaquin, —Uhuun Ifon, min ua amapaiyai cuscan ua tapimahuu, —ishon yoicahuun. Nocon Ifo Diosi icoinra huacahuun. Man ascaitofin mato shara huashoshquiquin.

Éxodo 3:15

Afanan Diosin Moisés yoini isca huaquin, —Min caifofo Israelifo yoitanhuun isca huaquin, “Nocon shunifo Abraham non Isaac non Jacob nocon shunifoan aton Diosin nan nocon Ifoanfin ua matoqui nichiaquin,” ishon ato yoitanhuun. Nan un mia yoia cuscafin Un ipamisiquin. Nan uhuun anu. Min non min caifo non maton funafo tapitiro uhuun anucai fiananpacunacama. Unfin ipamisiquin. Nannori fusti uhuun anu.

Éxodo 3:6

Nan min shunifo Abraham non Isaac non Jacob un aton Diosifin Unquin, —ishon yoini. Nannori huaiton nicain Moisés fasi ratucoinquin shinanni isca huaquin, —Un Diospan fuso oin un nariscatiroran, —icashu fufopomuni Diospan fuso oinshquima.

Mateo 22:32

Isca huaquin Diosin yoini, “Unfin Abraham non Isaac non Jacob afoan aton Diosiquin,” ishon yoini. ¿Yora naashu afanan funiyamaino ahuuscashumun Dios fu itiroquin? Ascafia ascarama. Yora man naafianishaquin afanan nia nanfofin Dios fu itirofoquin. Ascacun Upa Diosifin aton Diosiquin, —ishon Jesús ato yoini.

Filipenses 4:6

Ascano shinanchacayamacahuun. Ascatamarocon ahuara ahuuscarafiaino Upa Dios cuficahuun. Man yopai cuscari a yoicahuun. Man cufiaino Upa Dios yoicahuun isca huaquin, —¡Aicho! Upa, min ua nicasharamisi un yopai cuscan min tapishon min ua ashosharamisiran, —ishon cuficahuun.