Génesis 24:10 - Sharanahua: Diospan Tsain

¹⁰ Ascatan ahuun oinmatinin Abraham ahuun ina camellofo non ahuara shara futsa futsatapafo foni. Pushu rasi ahuun anu Nacor nan Mesopotamia mai ano nan fari caiquiri noconi.

Génesis 24:10 Iomraidhean Croise

Génesis 11:26

Ascan Taré sesenta fari aqui caano furu rafu non fustiya ini. Futsa Abram non Nacor non Harán.

Génesis 11:29

Ascashon Abram arifi ainfo fiini. Nan ahuinin ahuun anu Sarai ini. Abram ushto Nacor arifi ainfo fiini. Ahuun anu Milca ini. Nan Milca Harán ahuun facu ini. Isca ahuun chicori Milca ini.

Génesis 11:31

Ascan Taré mai Caldea ahuun pushu rasi Ur anoashu Canaán mai ari cani. Ahuun facu Abram non ahuun shota Lot non ahuun fafahuanri iyoni. Ascafia pushurasi Harán ano nocoashu nanno nituni pushu huashquin.

Génesis 11:32

Ascan Harán anoashu Taré doscientos cinco fari aqui caano nani.

Génesis 22:20

Asca oshu ranan finoano futsan Abraham yoini, —Min facahuan Milca natian facufoya. Min ushto Nacor ahuun facufo.

Génesis 24:2

Ascashon Abraham ahuun oinmati ahuun oinmati futsafo aton niaifo cunani aqui onon. Ascashon Abraham yoiquin isca huani, —Uhuun chica ano mupihuu.

Génesis 24:22

Ascan nantifi camellofoan ayapacuni oinmatinin anio oro fini shomaya rusho huashoshquin. Ahuun ihuu mucu fustiti gramos nushmancaya. Munushumuti rafuri inanni. Nan rafuri oro ini. Ahuun ihuu rafu ciento diez gramos.

Génesis 24:53

Ascatan chipo ahuarafo Rebeca inan. Oro futsa futsatapa cuscarafo inanfain cuno facafacaitsafo inanfain sahuutifo inanni. Ahuara chicoinfo ahuun ochi inanfain ahuari inanni.

Génesis 27:43

Ascacun uhuun facun ua nicahuun. Uhuun ochi Labán icano ichotahuun. Ochi Harán ano icaqui.

Génesis 29:1

Jacob yorafo fari oaiquiri cani.

Génesis 29:2

Nocotan oian tsoa istaipama ano pozo shatsocamun. Chashoanfori mani rafunon fusti racafo ini. Nannoshon nan pozon anoshon chashoan cushumisifo ato ayamamisi. Nan pozon camaqui toquirininhuan sapa fupoa ini.

Hechos 2:9

Nonfin tsain futsa futsatapa yafo. Atirifi Partia anoashu caiyainfono, atirifi Media anoashu caiyainfono, atirifi Elam anoashu caiyainfono, atirifi Mesopotamia anoashu caiyainfono, atirifi Judea anoashu caiyainfono, atirifi Capadocia nan Ponto muran anoashu caiyainfono, atirifi Asia anoashu caiyainfono.