Génesis 24:1 - Sharanahua: Diospan Tsain

¹ Ascano nantia Abraham fasi anifoshta ini. Nocon Ifo Diosin Abraham nan apaoni cuscan nantifi shara huashoni.

Génesis 24:1 Iomraidhean Croise

Génesis 12:2

Min funafohuunshon min caifo ichapacoin un imanon. Ascacun un mia fasi shara huashquin. Ascaiton nantifi yorafoan mihuunoa nicashcani. Ascashon mihuunshon nantifi yora maitio anoafo un ato shara huashquin.

Génesis 13:2

Nantia Abram ina ichapaya ini oro yafi cuno faca facaitsa ichapacoinya ini.

Génesis 18:11

Ascafia Abraham anifo icaino ahuun ahuin Sara yoshafoshta afanan facu atiroma ini.

Génesis 21:5

Ahuun facu Isaac cainnitian Abraham cien fariya ini.

Génesis 24:35

Uhuun ifo Abraham nocon Ifo Diosin fasi shara hua. Ascan natian ahua yopaima. Diosin chashoanfo inanfain moifo inanfain cuno facafacaitsa inanfain oro inanfain nocofunu oinmatifo inanfain camellofo inanfain burrofo inan.

Génesis 25:20

Isaac cuarenta fariyashu Rebeca fu fiananni. Rebeca Betuel ahuun facu Labán chico. Nanfo Arameofo Padán-aram mai ano ipaonifo.

Génesis 26:12

Chipo Upa Diosin Isaac sharahuaino ahuun fanafo foaisharacoinni.

Génesis 49:25

Min Diosi ahuamamishti huatiro. Nanfin min upa non min shunifoan aton Diosiquin. Nanton mia ahuara ashoshquin. Diosin icanoshon mia shara huafain mai anoshori mia shara huafain min facufori aton ahuafo facu cainmasharafain ato shoma ayamasharashquin.

Mateo 6:33

Ascacun Diosicairocon shinancahuun. Mato yonomapaiyai cuscan nan fusti shinanfafaicahuun. A cuscara shara ipaicahuun. Nancai shinanquin tau huafafaincahuun. Man ascaiton ahuara futsa man yopai cuscan Upa Diosin mato inanshquin.

Lucas 1:7

Ascafiashu facuoma rafu. Zacarías anifo icaino ahuinri yoshafo toosma ini.

Gálatas 3:9

Ascashon Abraham icoinra huamisicun Upa Diosin a shara huashomisi. Nanscarifi aquin icoinra huafoti ato shara huashomisi.

Efesios 1:3

Non Cristo ahuun yoracun Upa Dios icarishon a cuscara shara noco imano ahuun ahuara sharafoti nocori inanshquin. Ascano nocon Ifo Jesucristo Apa Dios non yoinon, —Upa Diosin min fasi sharacoin. Non mia aicho huairan, —ishon non yoinon.

1 Timoteo 4:8

Non ejercicio huaino noco caya non shara huatiro mutsisipa iishquin. Nanscarifiai non Dios cuscara ipaiquin ahuun tsain nocon nomuran non nanuaiton ahuun curushu noco inanshquin. Nancaifin shara finacoianquin. Natian noco shara huatiro. Ascashon non Jesusqui nocoaiton noco imasharapacunaca.