Génesis 23:4 - Sharanahua: Diospan Tsain

⁴ —Nunocai uhuun maima. Unricai mato caifoma. Ascan ua mai inancahuun uhuun ahuin mai huanon, —ishon Abraham ato yoini.

Génesis 23:4 Iomraidhean Croise

Génesis 17:8

Nuno icanoafo min caifoma. Un nantifi nan mai Canaán min non min funafori un nantifi nan mai mato inain matona ipanaca. Unri min funafo aton Diosiri iishquinran, —ishon Diosin yoini.

Génesis 23:5

—Nocon yorashta. Minfin niaifo sharaquin. Diosin mia catonni. Mahua quini shara ratocaimain min catonpaicai min catontiro min ahuin nanno mai huashquin. Noncai mia fishcoima a mahua quini main noconacufin. Nantifishon non mia shara huapairan, —ishon yoiaifoan.

Génesis 3:19

Min yonoifin niscamanhuancain yonoicain tushu piishquin nan min naitian. Un mia mai oni huani. Ascan nan min naitian afanan min mai onishquiran, —ishon Diosin yoini.

Génesis 47:9

Ahuun fari yoini, —Uhuun fari ciento treinta. Nan ciento treinta farifiashu mun nan maitifi cahuacacaimisi. Uhuun upa yafi uhuun shunifo aton fari ua finonmainifoantan inifo. Unfin mun omitsiscapaoni, —ishon yoini.

Génesis 49:30

Nan mahua quini Canaán muran. Nan chaimashta pushu rasi ahuun anu Mamre. Nan Efrón ahuun mai yafi mahua quini Macpela uhuun shota Abraham fini ahuun yorafo a muran mai huanonfo.

Génesis 50:13

Jacob mai huai focani fonifo Canaán mai ano nan mahua quini ahuun anu Macpela muran mai huanifo. Nan mahua quini Abraham Efrón anoa fini ahuun yorafoan ato ano mai huanon. Nan mai yafi mahua quini Mamre chaimashta.

Éxodo 2:22

Ascano nantianri facu nanuni. Ascashu furonanfacu cainni. Cainyaintian Moisés yoini isca huaquin, —Nunocai uhuun maima. Un yora futsafo aton mai ano ica. Ascashofin uhuun facushta un anuquin Gersonran huaicai, —ishon Moisés yoini.

Hechos 7:16

Naacun aton caya Siquem ano iyonifo mai huanonfo. Nocon shuni Abraham mai fiini. Nocofunu ahuun anu Hamor mai inanni pui finon. Nanno mahua quini muran nocon shunifo mai huanifo.

Hechos 7:5

Nuno nichifiashocai maishta inantaima. “Chipo min non min funafori un na mai inain matona inon,” ishon Upa Diosin yoiyotiani. Anori yoiai cuscacai Abraham facu yatai inima.

Hebreos 11:9

Ascashon nan Diosin yoiyotiani cuscacoin icoinra huashu nan Diosin nichian mai ano nocoashu Abraham nan mai futsa aria yora futsa ahuun caifo cuscarama iyopaoni. Nannoashuri pano pushu tapasi cuscara muran iyopaoni. Ascan ahuun facu Isaac yafi ahuun shota Jacoborifi nanscara muran iyopaonifo. Upa Diosin Abraham yoini cuscan nan rafu nannoricoini ato yoini.

1 Pedro 2:11

Uhuun yoramishtichin un mato yoisharapaiyai cuscan ua nicasharacapun. Non icoinra huamafo muran ifiashucai non atofu ipanacama. Noncai aton yoracoinfoma. Ascafia nan icoinra huafoma icaifo cuscan ayamacahuun. Mato amaquiri shinanchacamapaifiaifoan ascara shinanyamacahuun. Nanfoan maton nomuran mato chaca huamapaicani.