Génesis 22:11 - Sharanahua: Diospan Tsain

¹¹ Ascafia samamashtacoin Diospan oinmati nan a fu nai muran icaton cunainifoanni, —¡Abraham! ¡Abraham! —huaiton. —Unfin nunoquin, —huaiton.

Génesis 22:11 Iomraidhean Croise

Génesis 16:7

Ascashu Agar fain cani. Nan fain pushu rasi Shur ano noconi. Nan Abram icano Shur nushmancayan fai cusumunri tsoa istaipaima ano Agar noconi. Nanno pozo cuscara ini. Ascano nannoshon nantia Diosin oinmati a fu nai muran icaton Agar fuchini.

Génesis 21:17

Ascan nan facurifi uaicaiton Upa Diosin nicani. Ascano Diospan oinmati a fu nai muran icaton nai muranshon Agar cunashon yoini isca huaquin, —¿Agar, min ahuuscaimun? Ratuyamahuu. Min facu nanno racashu uaicaiton Upa Diosin nica.

Génesis 21:18

Min facu nanno racashu uaicaiton funishon iyotahuun. Upa Diosin yoiquin isca hua, “Un min facuhuunshon un yora ichapa caihuairan,” ishon Upa Diosin yoia, —Diospan oinmatinin a fu nai muran imisiton Agar yoini.

Génesis 22:1

Ascano chipo Diosin Abraham ahuara yoini man icoinra huacoinnamainquin oinshquin. Ascashon cunani, “¡Abraham!” huaiton. —Unfin nunoquin, Ifon, —ishon cumani.

Génesis 22:10

Ascashon cunoti tsomani ahuun facu rutushquin.

Génesis 22:12

—Min facu ahuusca huayamahuu. Natian mun mia tapia min Diosi nicacoin shara. Mia yoiai cuscan min aa. Nan min facu fusti min Diosi fishcoama. Min inanran, —ishon Diospan oinmatinin yoini.

Génesis 22:16

—Abraham, nocon Ifo Diosin mia yoi isca huaquin, “Min facu fusti mian rutusho cuana uqui onon. Ascan uhuun anuhuunshon un mia yoi.

Génesis 24:7

Nocon Ifo Diosi nai muran icaton ua uhuun upa ahuun yorafo anoshon nan un cainni ano ua ihuuni. Nannoricoinfin ua ahuun tsain yoiniquin. Ua yoiyoni isca huaquin, “Nan mai min facu non min funafori un ato inainran,” ishon Diosin ua yoiyoni. Diosin ahuun oinmati nan a fu nai muran ica rucu nichishquin nannoa min uhuun facu ainfo fuchishonon.

Génesis 31:11

Ascano nan namapan Diospan oinmati a fu nai muran icaton ua cuna, “Jacob,” ua huaiton. “Uquian. Un nunoran,” ishon un cuma.

Génesis 37:13

Ascashon Israel José yoini isca huaquin, —Upashtan, man min tapia min ochifo Siquem chaimashta nocon chashoanfo fasi funununshon ato pimai. Natian un mia ato ano nichin, —huaiton. —Un catiroran, —ishon José apa cumani.

Génesis 46:2

Ascan yamu futsan Upa Diosin Israel oshano ahuun namapan cuscaran ahuun anu futsan cunani isca huaquin, “¡Jacob!” huaiton. —Unquian nuno, —ishon cumani.

Génesis 48:16

Ahuun oinmati a fu nai muran icaya ua nichini un ahuara chaca finononma. Nan furonanfacu rafu Diosicoinin shara huapacunaca. Nan rafu isharapainon uhuun anu non uhuun shota Abraham anu non uhuun upa Isaac anuhuunoari futsafoan yoisharanonfo. Aton funafo ichaparasi inonforan, —ishon Jacob yoini.

Éxodo 3:2

Nannoashu Diospan oinmati nan a fu nai muran ica Moisésqui noconi. Tsoa futsa yamafiainno ahuun oi Moisés nicani. Nan nii cuyamamishti shocoa chi uruai murannoa Diosin oinmatinin Moisés oinmani. Nantian Moisés oinni nan nii cuyamamishti chi urufiainocai coonima. Nan uru shahuashahuaifiaquicai ahuun puifo coanima.

Éxodo 3:4

Ascashu Moisés nan nii cuyamamishti shocoa chaimashta cani oinshquin. Ascano samamashta Moisés nan chii uruai murannoa Diosin ahuun oi nicani yoiquin isca huaiton, —Moisés, Moisés, —huaiton. —Unquian. Un nuno, —ishon Moisés cumani.

Hechos 26:14

Un pacuriscataquin un ahuun oi nicani. Uhuun tsainman Hebreo ua yoini, “Saulo, Saulo. ¿Ahuuscaquimun mian omitsiscamaquin? Mifi min omitsisca huamuaquin,” ua huaiton.

Hechos 9:4

Pacuquin ahuun oi nicani, —Saulo, Saulo, ¿Ahuuscaquimun mian omitsisca huaiquin? —huaiton.

1 Samuel 3:10

Ascano afanan nanscari huaquin nocon Ifo Diosin aqui oshon cunani, —¡Samuel! ¡Samuel! —huaiton, —Unquian min oinmati. Ua yoihuun un mia nicanon, —ishon cumani.

1 Samuel 3:4

Samuel nanno racano nocon Ifo Diosin cunani. “Samuel,” huaiton. “Unquian. Unfin nunoquin,” huatan.