Génesis 20:3 - Sharanahua: Diospan Tsain

³ Ascafia Abimelec yamu oshashon ahuun namapan Diosin aqui nocoshon yoiquin isca huani, —Natian min natiro min Sara fiashu. Aafin nan nocofunu futsan ahuun ahuinquin, —ishon yoini.

Génesis 20:3 Iomraidhean Croise

Génesis 12:17

Ascafia nocon Ifo Diosin yononi cuscan niaifo Faraón yafi nantifi ahuun pushu murannoafo isin fasi chacafo ato fuchimani. Saraihuunshon Diosin ato onaintimaquin ato nansca huani.

Génesis 12:18

Ascacun Faraón ahuun pushu muran Abram yoimani yocaquin isca huashquin, —¿Ahuuscai mian chaca huamun? ¿Ahuuscai mian tapimanamamun Sarai min ahuinfiacun?

Génesis 20:7

Abraham uhuun tsain yoimisi. Ascacun ahuun ahuin afanan aqui nichihuun. Afanan aqui nocoshon Abraham ua mihuunoa cufinquin min nanonma. Ascafia ahuun ahuin aqui nasoyamaino min tapisharatiro min non nantifi min yorafo samamashta nairan, —ishon Diosin Abimelec yoini.

Génesis 28:12

Nannoshon ahuun namapan paiti fasi cuyacoin nai muran nocoa oinni. Diospan nai oinmati a fu imisifo paitinin nai murannoashu mai ano fototan afanan inaifoan oinni.

Génesis 31:24

Nan yamutan Labán ahuun namapan Diosin aqui oshon yoini. —Ua nicasharahuu. Jacob tsain curush yoiyamahuun, —huani.

Génesis 37:5

Ascano nan nama cuscan ahuun ochi iyoafofo yafi chipocun fusti tapimani finacaiquin noicasmaifoan.

Génesis 37:9

Ascashon afanan José nama futsashon ahuun ochi iyoafofo yafi chipocun tapimani isca huaquin, —Ua nicacahuun un nama futsa un mato yoinon. Un fari non oshu non once fishifo un oian. Ua focushonaifoan, —ato huani.

Génesis 40:8

—Non nama cuscan noco tsoan tapimatiromun raquirimain non namaqui, —ishon nan rafutan cumanifo. —Diosin fustiton noco tapimatiro man nama cuscan. Man nama cuscan ua yoicahuun, —huaiton.

Génesis 46:2

Ascan yamu futsan Upa Diosin Israel oshano ahuun namapan cuscaran ahuun anu futsan cunani isca huaquin, “¡Jacob!” huaiton. —Unquian nuno, —ishon cumani.

Mateo 1:20

Nanscara ahuun nomuranshon shinanfiaino ahuun namapan Diosin ahuun oinmatinin afu nai muran imisi aqui oshon yoiquin isca huani, —José minfin David funaquin. Ascacun shinanchacaquima María fihuu. Nan facu nanuafin Diosin Yoshin Sharapan nanumanaquin.

Mateo 27:19

Ato yocatan tsaoshon manani cumaifoan nicapaiquin. Ascaino ahuinin cunu fuma aqui noconi. Cunun yoiqui isca huani, —Nan nocofunu Jesús shara. Ahua chaca huamaquin. Ahuusca huayamahuu. Uhuun namapan un oian ahua chaca huayamafiashu omitsiscaiton oin urifi uhuun nomuran ahuunoashu un omitsiscacoinna. Ascacun ahuusca huayamahuu, —ishon Pilato ahuinin cunushoni.