Génesis 20:2 - Sharanahua: Diospan Tsain

² Nannoshon Abraham ahuun ahuin Sarahuunoa yoiqui isca huani, —Nan uhuun chicoran, —ishon nannoafo yoini. Ascan nan Gerar anoa niaifo Abimelec nicaqui futsa nichini Sara ihuishotanon.

Génesis 20:2 Iomraidhean Croise

Génesis 12:15

Ascan Egipcio niaifo Faraón ahuun yonomatifoan Sarai oincashon Faraón yoinifo isca huaquin, —Niaifo Faraón, non ainfo oian fasi sharashtacoin, —ishon yoinifo. Ascan Faraón pushu muran Sarai iyonifo.

Génesis 20:12

Ascanori icon Sara uhuun chico. Uhuun upa facufiashu uhuun uhua futsa facu. Ascacun un fini uhuun ahuin inon.

Génesis 21:22

Ascan nantiari niaifo Abimelec futan ahuun ranushumuafo aton niaifo Ficol Abrahamqui noconi. Abimelec Abraham yoiquin isca huani, —Min ahuara huaiti Diosin mia ashomisi.

Génesis 26:1

Nantian tushu yamacoin fonitian. Abraham niyoatian ini cuscariai. Isaac Gerar mai ano tushu fipai cani. Nanriafoan Filisteofo aton niaifo Abimelec ini.

Génesis 26:16

Asca huaifono nantia ipaitama niaifo Abimelec Isaac yoini, —Nunoashu catahuun. Min nunoashu ahuamamishti yopatanimacai min noco finoncoianquin, —ishon yoini.

Génesis 26:7

Nannoshon yocanifo, —¿Na ainfo sharashta min ahuamun? —huaifoan. Atoqui ratuqui, —Uhuun chicoran, —ishon ato yoini. —Sharashta oincaquin ahuun rafanan ua rututiroforan, —ishon Isaac ahuun nomuran shinanquin ato fomanni.

Efesios 4:25

Nonfin Cristo ahuun yorafoquin. Ascacun afanan chaniyamacahuun. Mato fu icafo icon fustisi yoifafaincahuun. Non icoinra huafofin Cristo ahuun caya muma cuscaraquin. Ascano noco murannoashu futsa chanicun ahuunshon nantififain non mutiro.

Colosenses 3:9

Man chaca huapaoni cuscan man man potacoian. Ascashu paranonanyamacahuun.