Génesis 2:7 - Sharanahua: Diospan Tsain

⁷ Ascatan nocon Ifo Diosin mai fishon yora huaquin futsashon nocofunu onihuani. Asca huatan ahuun ruchocoqui ashaitanaino nocofunu shacaina cahuani ninon. Ascatan Diosin nocofunu oni huaquin tau huaniquin.

Génesis 2:7 Iomraidhean Croise

Génesis 1:27

Ascatan Diosin nocofunu onihuani ahuun shinan cuscara icain a cuscara inon. Ascashon nocofunu yafi ainfo onihuani.

Génesis 2:6

Ascafia Diosin nan maitio mai muranshon unu fomani mai muchana huanon.

Génesis 3:19

Min yonoifin niscamanhuancain yonoicain tushu piishquin nan min naitian. Un mia mai oni huani. Ascan nan min naitian afanan min mai onishquiran, —ishon Diosin yoini.

Génesis 3:23

Ascashon nocon Ifo Diosin Adán yafi Eva nan mau Edén anoshon mai futsa nichini anoshon mau huanon.

Génesis 7:22

Ascashu nan mai ano niafo shacaitirofo nantifi asain cuyonifo.

Salmos 100:3

Nocon Ifofin Diosi fustiquin. Ascacun tapicahuun. Nanton noco onihuani. Ascan nonfin ahuunnacoinfoquin. Nonfin ahuun yoraquin. Ascan nonfin ahuun chashoanfo fasi funununshon piaifo cuscaraquin. Ascacun noco cushua.

Salmos 103:14

Nan nocon Ifo Diosifin tapiaquin noco maihuunoa onihuani cuscan. Ascashu nocohuun ramapai.

Números 16:22

Nannori nicacatan Moisés fu Aarón fuopacucahuan nocon Ifo Diosi cufinnifo isca huaquin, —Nocon Diosin, min nantifi yora niimamisi. Mia maisicai tsoa nipatiroma. ¿Ascafia nan nocofunu fustiton chaca huafiamun min nantifiqui sinaicai? —ishon nannori fasi curushcai cufinnifo.

Números 27:16

—Ifon, minfin nantifi yorafo nimaquin ninonfo. Ascacun nocofunu shara catonhuun uhuun caifoan aton niaifo inon ato raquira iyosharafain ato cushusharanon. Min yorafo aton cushumisi yopacani. Chashoanfo cushumisi maisi samamashta funotiro. Aton cushumisi yopacani. Nanscarifi ai uhuun yorafori cushumisi yopacani ato raquira iyofafainon, —ishon Moisés yoini.

Juan 20:22

Ascashon nocoqui ashaintaquin, —Uhuun Upa ahuun Yoshin Shara ficahuun.

Hechos 17:25

Atofin yorafoti nimafain noco shacaimaquin. Asca acai ahua yopaimafinquin. Non yorafoancai non ahua Dios ashotiroma ahuatsi yopaiton.

Romanos 9:20

Ma. Asca huayamacahuun. ¿Ahuuscain min Upa Dios tafipaimun? Minfin nocofunuquin. Aafin Diosiquin. Ahuara onihuamuatocai yoiqui isca huatiroma, —¿Ahuuscain mian iscara onihuamun? —huatiroma.

1 Corintios 15:45

Ascan Diospan tsainhuunoa cunuquin isca huani, “Nocofunun Adán Diosin onihuaquin tau huani. Ahuun cayaqui Diosin ashain tanaino nocofunun ninacahuani. Arifi ninon,” ishon. Ascan Cristo arifi Adán cuscarafiacun ahuun Yoshin Sharapan noco nimapacutiro.

1 Corintios 15:47

Diosin nan nocofunun Adán onihuaquin tau huani. Mai mapohuunoa onihuani. Cristori nocofunufiacun afin nai murannoashu nocoqui fotoni. Tsoancai onihuanima.

2 Corintios 4:7

Nan Diosin sharacoianshu no fu icaquin. Mai cuticai ahuashta ahuun nuama. Samamashta moshifiatiro amuran ahuara chicoin non nanutiro. Nanscarifiai noncai mutsisipamafia Jesús mutsisipashu no fu rafua. Nanscano Diosin ahuun curushpan futsafo ismatiro ahuamamishti huatiro cuscan. Ascan nan curushcai noconama ahuuna fustifinquin.

2 Corintios 5:1

Ascano man non tapia non naashu Diosin noco caya funa onihuai. Iscara un mato tapimai. Pushu shuniaino paon icashu payocotiro. Nanscarifiai nocon caya non naino cuyotiro nocon yoshin afanan amuran itiroma. Asca tsoa futsacai noco caya funa oni huatiroma. Diosin icarishofin caya funa sharacoin afanan noco oni huashoshquin. Nan cayacai cuyopacunacama.

1 Timoteo 2:13

Diosin Adán onihuaquin tau huani. Chipo Evari onihuani.

Hebreos 12:9

Nocon upafoan non facufocun noco onaintimapaoni. Ascacun non atohuunoa shinansharafain nonrifi ato nicacoinmisi. Ascan nocon Upa Diosin noco onaintimaiton non tunuquin finacointiro. Ascashon noco tapimapaiyai cuscain non fasi unimacain non isharatiro.