Génesis 13:8 - Sharanahua: Diospan Tsain

⁸ Ascacun Abram Lot yoini isca huaquin, —Upan, non fochishmanantanaincai sharama. Nocon ina cushumisifo non ato yoinon arifi fochishmanantananonfoma.

Génesis 13:8 Iomraidhean Croise

Génesis 13:9

Ascacun natian non pashcananon. Min mai futsa ano icaino shara itiro. Ascan min rato mai fipaiqui mifi min catontiro. Fari oaiquiri min capaiyaino un fari caiquiri catiro. Ascan min fari caiquiri capaiyaino un fari oaiquiri catiro. Asca mifin min catontiroran, —ishon Abram Lot yoini.

Génesis 14:14

Ascano Abram ahuun ushto facu achiafo nicaquin tres cientos dieciocho nocofunufo cunani a futan Lot numanon. Nan nocofunufo nantifi Abram icano cainnifo. Ascashon Abram futan nanfoan ranushumuafo Lot numashcaquin mufainnifo. Ascashon mufaincani Dan mai ano atoqui noconifo.

Génesis 45:24

Ascatan José ahuun yorafo nichiquin ato yoini isca huaquin, —Uhuun ochifoan, upa ari man caitian fochishmanantananyamacahuun, —ishon José ato yoini.

Génesis 46:34

Man yoitiro isca huaquin, “Nonfin nocon shunifoan apaoni cusca nocon chashoanfo non cushuaran,” ishon man yoitiro. Man nanscara yoiaiton mato Faraón yoitiro Gosén ano man inon mato inafocai Egipciofoan fuchipaima. Egipciofocai chashoan cushumisifo fu ipaimaran, —ishon José ato yoini.

Salmos 133:1

Diospan yorafoan nannorisi shinancani fasi unimasharatirofo.

Éxodo 2:13

Ascano iyoconaino oian ahuun caifo Israelifo aton anu futsa Hebreofo sutunainfoan fuchini. Ascashon nan futsan futsa chaca huashon yoini isca huaquin, —¿Ahuuscai min yora min sutuimun? Manfin yora iquinan tananfiashu man sutunainquin, —ishon ato yoiaiton.

Mateo 5:9

Ascan tsoan nan noicasmatanainfoan ato raunan huaino afanan rau huantananfo. Nan cuscarafo Diosin yoiquin, isca huaqui, “Min uhuun facuran,” ishon ato yoiaino fasi unimacoinshcani.

Hechos 7:26

Nan ifainaca shafatan oinpaiquin oian ahuun caifo rafu sutunainfoan oinquin. Ato numapaiquin, “Unucahuun. Manfin yorahuan tananquin. ¿Ahuuscaimun man sutunaincain?” ishon yoini.

Romanos 12:10

Nan man icoinra huafoti noinancahuun. Maton yoracoinfo man noimisi cuscan huafainri futsafo ya noinancahuun. Yoinansharatanancahuun.

Filipenses 2:14

Ascacun Diosin mato amapaiyai cuscan fusti huacahuun. Nantifi man acai cuscan huaquin tsain chipufain fochishmanantananyamacahuun.

1 Tesalonicenses 4:9

Uhuun tsaincai man yopaima noinanshquin. Upa Diosifin afin mato tapimaicain man noinanon.

Hebreos 12:14

Ascacun fochishmanantananpaitamarocon nantifi yorafo fu isharapaifafaincahuun. Ascatari Jesús cuscara shara ipaifafaincahuun. Ascan tsoa Jesús cuscara shara iyamaino nantocai nocon Ifo oinnacama.

Hebreos 13:1

Manfin Cristo ahuun yorafoquin. Ascashu noinanfafaincahuun.

1 Pedro 1:22

Man non Jesús icoinra huashon ahuun tsain iconcoin cununi cuscari man nicacoinmisi. Ascashu man a cuscara shara imisi man icoinra huaa futsafori noicoinmisi. Fomanonantama noinainshara finacoincahuun.

1 Pedro 2:17

Ascacun nantifi yorafohuun shinansharacahuun. Nantifi Jesús icoinra huafo noicoincahuun. Diosihuunoa shinancahuun isca huaquin, —Un Dios noicoinquin ua yonopaiyai cuscan un nicapaicoin. Uncai yoitima ipaima ua onaintimanonma, —ishon Diosihuunoa anori shinancahuun. Mato niaifofo nicacasmaquima ato nicasharacahuun.

1 Pedro 3:8

Ascan nan un mato yoia cuscan. Nantififain nannorisi shinansharafain futsafoan ahuara finoncun atohuun ramapaiquin noicoincahuun. Shara huatanancahuun. Cacapaimisi iyamacahuun futsafohuun ramapaiquin shara huafafaincahuun.

1 Pedro 4:8

Ascashu noinancoincahuun. Nan non noinancaifin sharacaiquin. Futsan noicoinshon non ato rau huatiro noco chaca huai cuscan afanan shinanonma.

2 Pedro 1:7

Ascatari nantifi yorafo shara huafain ato oi tsii huashon ato noifafaincahuun.

1 Juan 4:7

Uhuun yoramishtichin, Upa Dioshuunshon non yorafo noitiro. Ascashu non noinanoncahuun. Tsoa Diospan facuashu afu rafui. Ascanshon futsafo noicointiro.