Génesis 11:4 - Sharanahua: Diospan Tsain

⁴ Ascashon chipo nantifi yorafo yoinifo, —Fucahuun. Non pushu rasi uhuapa huafain pushu toro cuyacoin masoa nai muran noconon. Non asca huaiton nantifi yorafoan nocohuunoa nicanonfo non ahuamamishti huatiro. Non asca huai maitio pashcananshquima, —ishon yoinifo.

Génesis 11:4 Iomraidhean Croise

Génesis 6:4

Ascano nantiari yora fasi cuyatapacoinfo mai ano ipaonifo. Nanfo fasi mutsisipacoin inifo. Ascashon nanfoanri ahuarafo huaifoan oinquin futsafoan yoinifo, —Aira. Nan cuyafofoan ahuamamishti huatioforan, —ishon ipaonifoan yoinifo.

Salmos 107:26

Ascan ununhuan fuchomanhuaino shashohuan nonoinacahuatan naman pacucahuancacaini. Ascaino shashohuan murannoafo fasi ratucoinifo.

Daniel 4:11

Nan ihui cuyacoin foaicashu mutsisipacoin icain nai ari nocoqui rashquia ointsa un oian maifoti anoshon ointirofo.

Daniel 4:22

Niaifon, minfin na ihui cuscaraquin. Min nantifi finoncoian. Rato niaifo futsacai mia cuscarama. Min nantifi manifoti min ato iquina. Min nantifi finoan cuscan nai muran icafoanri ointirofo. Min icano yafi chaicunoafo mani futsafoanrifi min aton niaifoquin.

Daniel 4:27

Niaifon, un mia yoiai cuscan ua nicasharapun. Min chaca huamisi cusca shatuhuu. Nantifi yorafo shara huatan omitsiscaifo atohuun ramapaihuu. Min asca huaquifin min namapan yoia cuscan huayamaraquin Diosicai mia shatumashquima min niaifo inon, —ishon Daniel niaifo yoini.

Daniel 4:30

Fomancayashon pushu rasi oinquin yoini isca huaquin, —¡Aicho! Unfin nan pushu rasi Babilonia anoa acaquin nanno niaifo inon. Unfin uhuun curushhuunshon acaquin nuno ishquin. Nantifiton oincaquifin tapitirofoquin unmain ahuamamishti huatirocun, —ishon yoini.

Lucas 1:51

Diosin ahuun shinanpan ahuamamishti huamisi. Ascashon nan cacapaimisifoan aton nomuran shinanchacamisifo cuscan Diosin ato shatumafain atori onaintimai.

Juan 5:44

Mafi ranan futsan tsain sharasi man nicapai. Asca Upa Diosin matohuunoa yoipaiyai cuscacai man shinainma. Ascacufin Upa Diosin ua nichini mancai icoinra huamisima.

Deuteronomio 1:28

Nocon yorafo na mai anoashu nocoqui chaninifo cusca noco ratumanifo. Noco yoiquin isca huanifo, ‘Nan mai ano icafo fasi cuya masoafo mutsisipacoinfo. Noncai ato finontiroma. Aton pushu rasi cunu cuyacoin tarati huaafo. Nannori Anac ahuun funafo yora tsoan oinyomisima uhuapacoinfori man non oianran,’ ishon noco yoinifo. Nocon yora nan mucu rafutifain nannori noco yoiquin noco ratumanifo. ¿Ascacun ahuuscaimun non ari catiroquin?” ishon man ua yoini.

Deuteronomio 4:27

Man chaca huacun mato maifoti pashcanan huai. Nocon Ifo Diosin mato maifoti nichifiaqui mato fusti rasi nitun huatiro.